হৌখিবা কুমশীং ২০১৯ গী ফেব্রুয়ারি ২৪ দা পি এম কিষান স্কিম হায়রিবা, লৈবাক অসিগী লৌমীশিংদা শেলগী তেঙবাং পীরিবা স্কিম অসী প্রাইম মিনিষ্টর নরেন্দ্র মোদিনা ইহান হানবা ওইনা হৌদোকখিবনি। থৌরম হৌদোকখিবা অদূগী ৬ শুবা কুমোনগা মরী লৈননা প্রাইম মিনিষ্টরনা লৌমীশিংগী বেঙ্ক এক্কাউন্ট শিংদা দি বি টিগী খূত্থাঙদা ১৯ লক শুবা ইন্সটোলমেন্ট গী তেঙবাং শেল কাপ্পগী থৌরম হৌদোকখ্রে।
মসীগী শরুক অমা ওইনা ক্রিষি বিগ্যান কেন্দ্র চুরাচান্দপুরনা শীন্দুনা এম্পৱারিং ফারমর্স থ্রূ নেচরেল এন্দ ওরগানিক ফার্মিং ইন্নোভেসন হায়বা থিমদা নুমিৎ হুম্নি চূপ্না চত্থগদবা দিষ্ট্রিক্ট লেভেল ফারমর্স ফ্যের ২০২৫ কম ফারমর্স সাইন্টিষ্ট ইন্টরেক্সন প্রোগ্ৰাম অমা বিগ্যান কেন্দ্র অসিগী কমপ্লেক্সতা হৌদোকখ্রে। দিষ্ট্রিক্ট অসীগী এদ্দিস্নেল দেপ্যুটি কম্মিস্নার টি ঐচ মাংমিন্থাং গাংতেনা অথোয়বা মীথূঙলেন ওইদুনা হৌদোকখিবা প্রোগ্রাম অদুদা বি এস এফ এস টি সি চুরাচান্দ পুরগী এসিষ্টেন্ট কম্মান্দেন্ট অমিট কৱাট্রাসু শরুক য়াখি।
কে ভি কে চুরাচান্দপুরগী সেনিয়র সাইন্টিষ্ট কম হেদ দা. মনোজ পান্দেসু শরুক য়াখি। কে ভি কে চুরাচান্দ পুরগী দেমোন্সট্রেসন ফার্ম দা নৌনা শাবা ইন্টিগ্রেটেড দক কম ফিশ ফার্ম অমসু থৌরম অদূগী মনূঙচন্না হাংদোকখি।