থৌবাল দিষ্ট্রিক্টকি ৱাংজিং তেন্থা কেন্দ্রগী মনূঙচন্না লৈরিবা থাবল চীঙয়া খোঙদৌবিদা লৈরিবা লাইমুজম রঞ্জিৎ অমসুং অঙাংচা দেবি অনীগী মচানুপী লৈশাবী থোইবী দেবি (২৩) কিদনি অনীমক শোকপদগী লায়েংননবা শেল লৈতবদগী অৱাবা মায়োক্নদুনা লৈরে হায়বা পাউ তাবদগী হ্যুমেনিটি সর্বিস গ্ৰুপ অমা ওইরিবা লাইক মাইন্দেদ গ্ৰুপ ( এল এম জি) না ঈমূঙ অসিদা চত্তুনা মতেং পাংলুরে হায়রি।
লূপ অসিগী মেম্বরশিংনা মশা-মশাগী অরৈবা শেল খায়নরগা অৱাবা মায়োক্নরবা ঈমূং অদুদা লূপা লিশীং ২০ মতেং পাংখিবনি। এল এম জিনা মনিপুরগী তোঙান তোঙানবা মফমশিংদা কোয়না চত্তুনা অৱাবা মায়োক্নরবা ঈমূং কয়াদা, মরূ ওইনা অনা-অয়েক য়াওরবা ঈমূং কয়াদা অঙম্বা থাক্তা মতেং পাংদুনা লাক্লিবনি।
ঙরাং থোইবীগী অনাবা লায়েংনবা মতেং পাংখিবা খোঙচৎ অদুদা এল এম জিগী ভাইস প্রসিদেন্ট ব্রোজেন্দ্রা থোঙাম অমসুং জিবনলাতা চোংথাম, সেক্রেটরি ওজিৎ শোরোকখাইবম, পব্লিসিটি সেক্রেটরি রাকেশ নাউরেম, ট্রেজরর কুঞ্জকিশ্বর মংশাতাবম, এসিষ্টেন্ট সেক্রেটরি সুরেন্দ্র নিঙোম্বা, এগজিক্যুটিব মেম্বর বিরলা সলাম অমসুং অতৈ মেম্বরশিং শরূক য়াখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে