লৈবাক অসিদা লৈরিবা নর্স রি অমদি ইলিমেন্টরি স্কুল পূম্নমক লোকেল এদজষ্টমেন্ট কা লোয়ননা লোকেল বাই- লোগী মখাদা য়াম্না নিতি নিয়ম ঙাক্না অমসুং মপূঙফানা ক্বালিটি মেন্টেইন তৌদুনা শাবা বিল্ডিং ওইগদবনি। মৈহৌ- লাংপোক নত্রগা মহৌশাগী খুদোংথীবা থৌদোকশিং মায়োক্নবা মতমদা স্কুলগী অঙাঙশিং অদূ য়াম্না থুনা বিল্ডিং অদূদগী মপান্দা পুথোকখিবা নত্রগা মশানা শাফগদবা মায়কৈরোমদা চেন্থোকহৌবা ঙম্ননবা মওংদা ষ্টেরকেস মরাঙ কায়না পাক-চাউনা হাপ্তুনা থমগদবনি হায়খ্রে।
অদূঙৈ কুমশিং ২০০৯ গী এপ্রিল ১৩ দা এপেক্স কোর্ট অসিনা তাখিবা ভর্দিক্ট অমগী মতাংদা মখাতানা ক্লারিফিকেসন অমা পীবীননবা সেন্ট্রেল বোর্দ ওফ সেকেন্দরি ইদুকেসন (সি বি এস ই) না থাঙ্গৎলকখিবা প্লি অমগা মরী লৈননা শেংদোক-ৱারোল থম্লদুনা লৈবাক অসীগী খ্বায়দগী মরূ ওইবা, অৱাংবা আইনগী লোয়শঙ অসীগী জষ্টিস বি আর গাভাই অমসুং জষ্টিস ওগষ্টিন জোর্জ মাসিহ অনীগী বেঞ্চনা সিবিএসই গী প্লি অদুগী মতাঙদা ওর্দর অসী পাস তৌখিবনি।
নর্সরি অমসুং ইলিমেন্টরি স্কুল বিল্ডিং পূম্নমক সিঙ্গল-ষ্টোরিদ ওইগদবনি, য়াম্লবদা ফ্লোর অহুমদগী হেন্না ৱাংনা শারোইদবনি। লোকেল বাই- লোগী নিয়মশিং ঙাক্না স্কুল বিল্ডিং অদূ শাবা ওইগদবনি হায়না এপেক্স কোর্ট অসীনা মখাতানা শেংদোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে