লৈবাক অসীগী অতৈ মফমশিংদা পাক-সন্না পাঙথোক্নবগুম মনিপুরদসু ৯ শুবা আর্ম ফোর্সেস ভেটরান থৌরম ইম্ফালগী অহানবা মনিপুর রাইফলসকি বঙ্কেট হোলদা চিফ মিনিষ্টর নোংথোম্বম বিরেন্না অথোয়বা মীথূঙলেন ওইদুনা পাঙথোকখ্রে। হৌজিক লৈরিবা মনিপুরগী হীঙশা অসীনা মরম ওইরগা লমদম অসীদা মীয়ামগী তঙদূ- লৈতাদবা ফীভম অমা লৈরিবসি কোকহন্ননবা হোৎনবদা থবক্তগী পোত্থারবা ভেটরান আর্ম ফোর্সেস পার্সনেলশিং অমসুং ওফিসারশিংগী অচৌবা থৌদাং লৈ হায়না চিফ মিনিষ্টরনা ফোঙদোকখ্রে। হীঙশাগী ঈরাঙ অসী লোইশিনবা য়াননবা সজেসন অমসুং পাউতাক পীবিরকপদা মহাক্কি লৈঙাক্না তরাম্না ওক্কনি হায়খি।
আর্ম ফোর্সেস ভেটরান দে অসী লৈবাক অসিগী সেক্যুরিটি, য়ুনিটি অমসুং ইন্টিগরিটিগীদমক কত্থোকপগা লোয়ননা থবক তৌরম্লবা ভেটরান ফোর্সেস কয়া অদুবু ঈকায়খুম্নবগা লোয়ননা পাঙথোকপা থৌরম অমনি হায়না চিফ মিনিষ্টরনা ফোঙদোকখি। ষ্টেট অসীগী ওইনা মথৌ পাঙথোক্লিঙৈদা মরম অমা নত্রগা অমদগী খঙহৌদনা লৈখিদ্রবা লান্মিশিংগী ঈমূঙ-মনূংদা এক্স গ্ৰেসিয়া ওইনা লূপা লাখ ১০ গী শেনফম পীরগনি হায়না চিফ মিনিষ্টরনা ফোঙদোকখি।
ষ্টেট অসীগী নহারোলশিং ইন্দিয়ান আর্ম ফোর্সতা চঙখিবশিং অমসুং লৈবাক্কিদমক থৱায় কৎখ্রবশিংবু নীঙশীংদুনা ঈকায়খুম্নবা ঊত্তুনা মখোয়গী মেমোরিয়েল পার্ক অমা শেমগৎনবা মহাক্কি লৈঙাক্না লূপা ক্রোর অহুমগী শেনফম কাইথোক্লে হায়খি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে