চৎলিবা থা অসীগী মরিদা কম্বাইন্ড সেক্যুরিটি ফোর্স কি টিমনা কোম্বিং ওপরেসন চত্থবদা য়াম্লবা খূৎশু-খূৎলায় কয়ামরুম ফাগৎপা ঙমখ্রে। থৌবাল দিষ্ট্রিক্ট মনূং চন্না লৈরিবা ফূঙ্গৈ চীংদা সেক্যুরিটিগী কাঙবূনা চত্থখিবা কোম্বিং ওপরেসন অদুদা য়াম্লবা খূৎশু-খূৎলায় কয়াদু ফাগৎপা ঙমখিবনি হায়রি।
মনিপুর পুলিসকি কন্ট্রোল রুমদগী থাদোরকপা পাউ মতূং ইন্না, কম্বাইন্ড সেক্যুরিটি ফোর্স কাঙবূনা ফাগৎখিবা খূৎলায়শিং অদুদি মেগজিন য়াওবা সেল্ফ লোদ্দিং রাইফল অমা, মেগজিন য়াওবা এস এম জি কার্বাইন অমা, ১২- বোরগী দব্বল বেরেল রাইফল অমা, নাইন এম এম পিষ্টোল অমা, পোইন্ট ৩২ গী নোংমৈ অমা, ৩৬ঐচ ঈ হেন্দ গ্ৰেনেদ তরূক, দিটোনেটর অনী, ট্যুব লোঞ্চর অনী, কাপ্পা য়ারিবা নোংমৈ মরু ৩৯,ৱাকি-টোকি ফাইও ফেঙ্ক অমা, আর্মিং ৱিং মঙা লোত্তুনা থম্লম্বদগী ফাগৎপা ঙমখিবনি হায়রি।
ফাগৎলবা পোৎলমশিং অদূ মরী লৈনবা পুলিস ষ্টেসন্দা খূৎশিন্নদুনা মখা তানা থিজিনবা হৌখ্রে হায়রি। নাকল অমরোমদা, থা অসীগী মরি অমসুং মঙাদা নেস্নেল হায়ৱে নম্বর ৩৭ ইম্ফাল জিরিবাম লম্বীদা মীয়ামগী তঙায়ফদনা চঙবা চান-থক্ননবা অমসুং অতৈ পোৎলমশিং পুশিল্লকপা গারি ১৫৭ অমসং ইম্ফাল দিমাপু্র লম্বীদা পোৎ- চৈ পুরকপা মাল গারি ৩১৬ ইম্ফাল য়ৌনা পুশিল্লকখ্রে হায়রি। সেক্যুরিটিগী অকনবা চেকশীন থৌরাংগা লোয়ননা পোৎলমশিং অদূ পুশিল্লকখিবনি।
You may also like
-
পুলিস ফোর্স তা অহোংবা লৈহন্দুনা অৱাং নোংপোক্তা লৈরিবা লালহৌবগী ঈরাং লোইশিন্ননবা হোৎনরগনি: অমিট শাহা
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা