মনিপুরদা মমাঙ চহীগী মে অহুমদগী চিন- কুকি নার্কো- টেররিষ্ট শিংনা হীংশাগী ঈরাং শাগৎলক্তুনা ঈমূং লীশিং তরা হেনবগী মীওই লীশীং হুম্ফুরোম তোঙান তোঙানবা রিলিফ কেম্পশিংদা ঙসীফাওবা খম থেংনা অৱাবা খাঙদুনা লাক্লি। সেন্টর অমসুং ষ্টেট লৈঙাক্কি মায়কৈদগী ঈরাং অসী লোয়শিন্ননবা মতীং থোকপা থবক অমত্তা ঙসীফাওবা লৌখৎপা ঙমদনা লৈরক্লিবা কয়া অসীবু খম থেংনা পেন্দবা ফোঙদোক্তুনা মীয়াম্না অকনবা মওংদা প্রোটেষ্ট তৌদুনা লাক্লিবা অসীগী মথক্তা ঙসীদি রিলিফ কেম্পরশিং হকথেঙননা কেম্পশিংদগী থোক্নরক্তুনা মফম কয়াদা পেন্নদবগী খোল্লাউ কয়াগা লোয়ননা ৱাকৎ মীফমশিং চত্থবা
থৌওং অসীগী অহানবা শক্তম অমা ওইনা ঙরাং তোঙান তোঙানবা রিলিফ কেম্পশিংদা লৈরিবা আই দি পি শিংনা লম্বী- লমজাউদা থোক্নরক্তুনা অকনবা প্রোটেষ্ট তৌদূনা খোঙজঙ চঙশীনবা হৌখ্রে। রিলিফ কেম্পরশিং অদুনা মখোয়বু কয়াম কুইনা রিলিফ কেম্পশিংদা থম্বিখিগদৌরিবনো, লৈঙাক্না শাবা ফেব্রিকেটেদ হাওসশিংদা মখোয় লৈবা পামদে, মশাগী য়ুমদা হঞ্জিনবা পামই, মতীঙ লৈবা, মনিপুরগীদমক সেন্টরগী লুচিংবশিংদা মখৌ পোঙনা ঙাঙবা অমসুং লাউরুবা ঙম্বা চিফ মিনিষ্টর অমা ওইহন্নিংঙি, চীঙ-তমগী শান্তি হঞ্জিলহনবা ঙম্বা লুচিংবা অমা লৈবা পাম্মি হায়বনচিংবা খোল্লাউ কয়া মখোয়না লাউদুনা প্রোটেষ্ট তৌখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে