মমাঙগী ওক্তোবর ৩১ দা ইম্ফাল ৱেষ্ট দিষ্ট্রিক্টকি লমশাং এরিয়াদা শকখঙদবা খূৎলায় পায়বা মীওইশিংনা সেনাপটি দিষ্ট্রিক্ট কি পাউমাই মচা অনীবু তমথীনা ফূরকখিবা, অয়াওবা শেলনচিংবা মুনবিখিবগী থৌওং অদুনা নাগা কম্যুনিটিগী থম্মোয় কায়হল্লে। থৌলোক্তুদা চেন্ন রিবশিংনা নাগাশিং অমসুং মীয়ামদা লাল্লে হাৎজরক্ট্রিফাওবা হৌজিক নেস্নেল হায়ৱে- ২ দা চত্থরিবা গারীশিং থিংবগী খোঙজঙ অসী হন্দোকখিরোই হায়না নাগা পিপলস ওরগনাইজেসন( এন পি ও)না ফোঙদোরক্লি।
পাউমীশিংগা উনখিবা থৌরমদা এন পি ওগী স্পোক্সপর্সন চুন্থোইনা ৱাফম অসী ফোঙদোকখিবনি। মহাক্না হায়, মনিপুরদা হৌখিবা মমাঙ চহীগী মে অহুমদগী থোক্লক্লিবা হীংশা অসীদা মরাল লৈজদবা নাগা কাঙলূপকি মীওই কয়া বল্লিগী হামেংগুম চৈথেঙ কয়ামরুম মায়োক্নরগা লৈরি। মীওৎ- মীনৈ কয়াগী অৱাবা খাঙদুনা লাকপা মরম্না ঙসীদি খাঙবা ঙম্লক্ট্রে হায়খি। লিয়াই খুল্লেন্দগী দালৌ অমসুং কোদোম ভিল্লেজদগী ভি ব্লেসন কৌবা সেনাপটি দিষ্ট্রিক্ট তগী মীওই অনী অদূ খূৎলায় পায়বা শকখঙদবশিং অদুনা তমথীনা ফূরবা মতূংদা মশাদা য়াওবা, লূপা লিশিং হুম্ফুরোম হেনবগী শেনফমসু হৌখিবা ওক্তোবর ৩১ দা মুনবিখিবনি হায়রি।
নাকল অমরোমদা, থৌদোক অদূদা চেন্নবনি হায়বা মীওই অনী হৌজিকফাওবদা মনিপুর পুলিসনা ফাগৎপা ঙমখ্রবনি। অতৈ চেন্নবশিংসু ফাগৎনবা অকনবা থবক পায়খৎলিবনি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে