বিষ্ণুপুর দিষ্ট্রিক্টকি মনূংচন্না নম্বোল পুলিস ষ্টেসনগী জুরিসদিক্সন মনূংচন্না লৈরিবা উয়োক- আইগেজাং এরিয়াদা কম্বাইন সেক্যুরিটি ফোর্স না চত্থখিবা সর্স ওপরেসন অমদা মশীং য়াম্লবা খূৎশু- খূৎলায় কয়ামরুম ফংবা ঙমখ্রে। ঙরাং অয়ুক চত্থখিবা সর্স ওপরেসন অদূদা বিষ্ণুপুর দিষ্ট্রিক্টকি নূপী পুলিস টিম, সেন্ট্রেল সেক্যুরিটি ফোর্স অমসুং মনিপুর পুলিসকি অপূনবা টিমশিং শরুক য়াখি।
অয়ুক পূং মঙারোম তারকপা মতমদা চত্থখিবা সর্স ওপরেসন অদূদা য়াম্লবা খূৎশু- খূৎলায়শিং অদু থম্লম্লবা মতূংদা শকখঙদবা মীলিটেন্ট মরি নান্থোক্তুনা চেনখিবনি হায়রি। কম্বাইন টিম্না ফাগৎপা ঙমখ্রবা খূৎলায়শিং অদুগি মনূংদা মেগজিন য়াওবা সেল্ফ লোদিং রাইফল অমা, কাপ্পা য়ারিবা মরূ তরুক য়াওবা নাইন এম এম পিষ্টোল অমা, স্নাইপর রাইফল অমা, বোল্ট এক্সন রাইফল অনী, বেরেল রাইফল অনী, য়াম্না শক্তি লৈবা হাই এক্সপ্লোসিব হেন্দ গ্ৰেনেদ মাপন, রেদিও সেট অমা, বুল্লেট প্রুফ জেকেট অমগা লোয়ননা য়াম্লবা নোংমৈ মরূশিং ফংবা ঙমখি।
ফাগৎলবা খূৎশু- খূৎলায়শিং অদূ মখাতাবা আইনগী থবক লৌখৎনবগীদমক নম্বোল পুলিস ষ্টেসন্দা খূৎশিন্নখ্রে হায়রি।
You may also like
-
থা কাখিবা আর্টেমিস-২ , ঙসী মশাগী পন্থুংফম য়ৌরগনি
-
ময়াই কাবা দ্রগকি মায়োক্তা এম এস এফনা শীন্দুনা বাইক রেল্লি চৎখ্রে
-
চিফ মিনিষ্টরনা জিরিবামদা উ থাখ্রে, কাঙলূপশিং পূন্না চাকলেন চামিন্নখ্রে
-
মনিপুরগী সোর্ট ফীল্ম, “দি নাইটম্যের” না এৱার্দ কয়া ফংলক্লে
-
‘আই দি পিশিং মশা-মশাগী ময়ূমদা হঞ্জিন্দ্রিবা ফাওবা য়ূমকোক থীবা য়ারোই ‘