হায় কোর্ট ওফ মনিপুরনা মেদিয়েসন এন্দ কন্সিলিয়েসন প্রোজেক্ট ন্যু দিল্লি অমসুং হায় কোর্ট লিগেল সর্বিসেস কম্মিটিগা খূৎশম্নদুনা পূং ৪০ গী ওইবা মেদিয়েসন ট্রেনিং প্রোগ্রাম অমা ঙরাং হায় কোর্ট অসীগী ওদিটোরিয়মদা পাঙথোকখ্রে। কমপ্রিহেন্সিব ওইবা ট্রেনিং প্রোগ্রাম অদুদা হায় কোর্ট অসীগী চিফ জষ্টিস সিদারথা ম্রিদুলসু শরুক য়াখি। ম
নিপুর লিগেল সার্বিসেস ওথোরিটীগী এগজিক্যুটিভ চ্যেরমেন ওইনা লৈরিবা জষ্টিস এ বিমোল, হায় কোর্ট লিগেল সার্বিসেস কম্মিটিগী চ্যেরপার্সন জষ্টিস এ গুনেশ্বর শর্মা, হায় কোর্ট অসীগী জষ্টিস গোলমৈ গাইফুলসিল্লু, বার কাউন্সিল ওফ মনিপুরগী চ্যেরমেন ওইনা লৈরিবা এস ইবোয়াইমা, হায় কোর্ট বার এসোসিয়েশন মনিপুরগী প্রসিদেন্ট ৱাই নির্মোলচান্দ সিংহ, হায় কোর্ট লিগেল সার্বিসেস কম্মিটিগী সেক্রেটরি এন রজনিকান্ত, হায় কোর্ট অসীগী রেজিষ্ট্রার জেনরেল ওজেস মুতুম, সেনিয়ার এদভোকেটশিং অমসুং ইনভাইটিশিংনা থৌরম অদুদা শরুক য়াখি।
সধারন মীয়াম মরক্তা লৈরিবা তোঙান তোঙানবা য়ানদবা, চয়েৎনবশিংগী মতাংদা শেল চঙনা অমসুং মতম মাঙহন্দুনা কেস থেংনদুনা লৈবা হায়বসি মায়কৈ পূম্নমক্তগী য়েংবদা অফবা হায়বদু ওইদে, পার্টি অনীমক্তা মাঙজবা নত্তনা তোংজবা অমত্তা লৈতে। কেস তৌনবগী মহুত্তা মেদিয়েসনগী মতেংনা পূন্না ফম্মিন্নরগা ৱাতেম্বিদুনা তুং কোইবা ৱারোইশিন অমা পুরকপা হায়বসিনা খ্বায়দগী অফবা খোঙথাঙ অমনি হায়না সিদারথা ম্রিদুলনা ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে