থিবা খঙদনা লৈরিবা, চিন- কুকি মিলিটেন্টশিংনা ফাজিনখ্রবা মৈতৈ কম্যুনিটিগী নহা অনীবু তেক্ত-কায়দনা থাদোরকহন্ননবা অকনবা খোঙথাং লৌখৎপিয়ু হায়না চিফ মিনিষ্টর নোংথোম্বম বিরেন্না সেন্টর লৈঙাক্কি মরী লৈনবশিংদা য়াম্না কন্না তকশীনখ্রে। মসীগা লোয়ননা রুলিং-ওপ্পোজিসনগী মেম্বরশিংগী ওইবা অপূনবা মীফম অমা থৌদোক অসীগা মরী লৈননা চিফ মিনিষ্টরনা চ্যের লৌদুনা ঙরাং সি এম সেক্রেটরিয়েত্তা পাঙথোকখ্রে।
ষ্টাফ সেলেক্সন কম্মিসন্না শীনবা আর্মি জেনরেল দ্যুটিগী রিক্রুটমেন্ট য়াওবা চৎখিবদা লম্বী লান্না চঙশীল্লুবা নহা অনী অদু থা অসীগী ২৭ তা কুকি- মিলিটেন্টশিংগী খূত্তা তাখিবনি। মখোয়বু তেক্ত-কায়দনা থাদোকহন্ননবা চিফ মিনিষ্টরনা সেন্টরদা য়াম্না কন্না হৌজিক তকশীন্দুনা লৈরিবনি।
নহা অনীদুদি থৌবাল লৈশাংথেম অৱাং লৈকায়দগী ওইনাম য়ায়মগী মচানুপা থোইথোই (২৬) অমসুং খেকমন মনীং লৈকায়দগী থোকচোম ইবোতোম্বিগী মচানূপা থোইথোইবা (২৭) নি। নহা অনী অদূনা কুকি- মিলিটেন্টশিংগী দাবী য়াম্না থুনা পীথোকপিরগা মখোয়গী থৱায় অমূক্তংদি কনবিয়ু হায়না চিফ মিনিষ্টরদা সোসিয়েল মিদিয়াদা ফোঙদোরকখিবা ৱাফম অমা ভাইরেল ওইরকখিবনি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না