পাউ তাবদা অসূক্কি মতীক থম্মোয় শোকপা লম্বীগী এক্সিদেন্ট অমদা ঙরাং অয়ূক থৌবাল দিষ্ট্রিক্ট হোস্পিটালদা লায়েংবা লাকখিবা মমা- মচা অনী লায়কন্নবা নংদনা লম্বীগী এক্সিদেন্ট অমদা লৈখিদ্রে। লৈখিদ্রবী মমা অদূগী মিং সোয়বম ওঙবী প্রেমিলা (৪৮) কৌই, মপূরোইবগী মমীংনা মনিথোই কৌই। মহাক থৌবাল অচৌবা পাখঙখোং লৈরক্তগীনি হায়রি।
মহাক্কি মচানূপা অদূগী মমীংনা সোয়বম আর্জুন (২০) কৌই। মহাক ক্লাস ত্বেল্ব পাস তৌরবা মতূঙদা মেদিকেল এন্ট্রান্স থাননবা থৌরাং তৌরিবনি হায়রি। মমা-মচা অদূনা কাইনেটিক হোন্দা অমদা ময়ূমদগী থৌবাল হোস্পিটাল তম্না লাক্লগা হোস্পিটাল অদূগী মমাঙমক্তদা লৈবা রোদ দিভাইদর অমগী মনাক্তা গারী মচাদু খাম্লগা লেপ্লিঙৈ চৈরক্তা ইম্ফাল্লোমদগী ককচীং তম্লকপা ঈশীং পুরকপা দি আই টাটা অমনা থোম্বদগী মমা অদূ মফমদুমক্তদা খূদক্তা শিখি।
মচানূপা অদু ইম্ফালগী রাজ মেদিসিটিদা লায়কন্ননবা পুখৎলকপদা লম্বীদা লৈখিদবনি হায়রি।