দিল্লিগী বিজয় নগর এরিয়াদা হৌখিবা জুলাই ৩১ গী নোঙাল্লমদাই পূঙ ৩.৪০ রোম তারকপা মতমদা মনিপুরদগী দিল্লিদা মহৈ তমদুনা লৈবা মহৈরোয় অনী থাঙনা থিল্লম্বদগী য়াম্না অরুবা ফীভমদা শোকপদগী হোস্পিটালদা লায়কন্নরগা লৈরি হায়না দিল্লি পুলিসনা ফোঙদোরক্লি।
জেরি অমসুং সেফর্দ কৌবা মহৈরোয় অনীদুনা নুমিৎ অদুগী নোঙাল্লমদাইদা মফম অদুৱাইদা লৈবা দুকান অমদগী ঈশীং লৈনবা হোৎনরিঙৈদা বাইক তোংদুনা লাকখিবা নহা ৪ গা করিগুম্বা ৱাফম খরদগী নিঙাই শংদান্নদুনা উংখৎনরকখিবদগী বাইক তোংলকখিবা মীওই ৪ অদুগী মনূঙদগী অমনা থাঙ শত্তোরক্লগা জেরিগী পূক অমসুং সেফর্দ কি মনঙ্গন্দা থিল্লম্বদগী শাথীনা শোকখি হায়রি। শোক্লবা মনিপুরি মহৈরোয় অনী অদূ মমান্নবা অমনা বরা হীন্দূ রাউ হোস্পিটালদা পুখত্তুনা লায়কন্নখি হায়না দিল্লি পুলিসকি দিপ্যুটি কম্মিস্নার ওফ পুলিস (নোরথ ৱেষ্ট) ভিশম সিংহনা ফোঙদোরকখি।
শোক্লবা মহৈরোয় অনীমক য়াম্না অরুবা ফীভমদা হৌজিকসু লায়কন্নরগা লৈরি হায়না মকোকথোংবা পুলিস ওফিসার অসীনা মখাতানা ফোঙদোরক্লি। থৌদোক অসীগী মতাঙদা মোদেল টাউন পুলিশ ষ্টেসন্না কেস অমা রেজিষ্টর তৌদুনা থিজিনবা হৌখিবগা লোয়ননা মীওই অহুম ফাগৎপা ঙমখ্রে। মখোয়গী মনূঙদা অমদি য়াম্না নৌরিবা অঙাঙনি। অতোপ্পা অনী অদুগী মমিংনা ক্রিষ্ণা অমসুং ক্রিষ্ণা কশ্যপ কৌই হায়রি। থৌদোক অদুদা চেন্নরিবা মরীশুবা মীশক অদূসু ফাগৎনবা পুলিসনা থি-হুম্বগী অকনবা থবক চত্থরি হায়রি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর