মনিপুরগী মফম কয়াদা মীয়াম্না এন আর সি অপদেট তৌগদবনি হায়না অকনবা খোঙজঙশিং পাক-সন্না চঙশীল্লক্লিবা অসীগী মনূঙচন্না ঙরাংসু থৌবাল দিষ্ট্রিক্টকী অথোকপম মৈরা পায়বী অপূনবা লূপ অমসুং অথোকপম অপূনবা ক্লব অনীনা শীন্দুনা থৌবাল অথোকপম কৈথেলদা মীয়ামগী ওইবা ৱাকৎ মীফমগা লোয়ননা খন্ন-নৈনবগী থৌরম অমা পাঙথোকখ্রে।
“নো এন আর সি, নো সেন্সস” হায়না ইবা প্লেকার্দশিং শীজীন্নদুনা চত্থখিবা ৱাকৎ মীফম অদুদা থৌবাল দিষ্ট্রিক্টকি মফম কয়াদগী লাকখিবা মীয়াম্না শরুক য়াখি। কেম্পেইন ফোর জষ্ট এন্দ ফ্যের দিলিমিটেসন (জে এফ দি) গী ফাইনান্স সেক্রেটারি সুনিল করাম, এগজিক্যুতিব মেম্বর কে সি রোমিও, কাদাগী প্রসিদেন্ট ঐচ প্রিয়োকুমার, অপূনবা মনিপুর কনবা লূপকি ওর্গানাইজিং সেক্রেটরি মাইস্নাম মংলেম্বী, চান্দেল নাগা পিপল্স ওর্গানাইজেসন (সি এন পি ও) গী ৱার্কিং কম্মিটিগী কনভিনর টি সাকা হায়রিবশিং অসীনা খন্ন-নৈনবা থৌরমদুদা রীছোর্স পার্সনশিং ওইনা ৱা ঙাঙখি।
ইল্লিগেল ইম্মিগ্ৰেন্টশিংনা নোংমা কাংদনা চঙশীল্লকপদগী লমদমসিগী দিমোগ্ৰাফিদা অহোংবা লাক্তুনা য়েলহৌমীশিংদা পীরক্লিবা চৈফূ-চৈথেঙশিং অসী য়েংলগা তঙায়ফদনা এন আর সি অপদেট তৌদবা য়াদবনি। মদুগী মতূঙদা সেন্সসকি থবক্তি কোন্না, ঈঙনা-তপ্না পায়খৎকদবনি হায়বা ৱাফমশিং রিছোর্স পার্সনশিংনা থমখি।
You may also like
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে
-
মাইবা-মাইবিদা থৱায় লূপ্পীরুরনু, মেদিকেল সাইন্স খম থেংনা চাওখৎলবনি: এম এম সি
-
ঈরাঙ নংলবা মনিপুরগী কেপিটেল সিটি কাঙ-হয়ীংগী লৈফম ওল্লে
-
লৌমীশিংগী ওর্গানাইজেসন মপাঙ্গল কনখৎহনবা তঙায়ফদে: বিজু ক্রিষ্ণানন