শাজিন্নবা শঙ্গোম সানা (পানির) নত্রগা এনালোগ পানির য়োনবগী মতাঙদা মনিপুর লৈঙাক্কি দিরেক্টরেট ওফ হেল্থ সার্বিসেসনা মীয়ামদা চেকশীল ৱারোল খরা থম্লক্লি।
এদ্দিস্নেল কম্মিস্নার ওফ সেফটি, এন হেমন্তকুমারনা থাদোরকপা চেরোলগী মতূঙ ইন্না, য়েংবদা শঙ্গোমদগী শেম্বা মাল্লবসু ভিজিটেবল ফেট নত্রগা প্রোটিন্নচিংবা অতৈ অতোপ্পা মচলশিংনা শেম্বা এনালোগ পানির য়োনবা থেংনরে হায়রি। হীরম অসীগী মতাঙদা ফুদ সেফটি এন্দ ষ্টেন্দর্দস অথোরিটি ওফ ইন্দিয়া (এফ এস এস আই) না মাঙজৌননা চেকশীল ৱারোল থমখিবসু লৈখ্রবনি হায়রক্লি।
মীয়াম্না শঙ্গোম সানা লৈদ্রিঙৈদা প্রদক্ট অদূগী মমীং অমদি মদূ শাবদা হাপ্লিবা মচলশিং নীংথীনা চেক তৌগদবনি। রেষ্টোরেন্ট, হোটেল অমদি অতৈ ফুদ ষ্টোলশিংদা য়োল্লিবা শঙ্গোম সানাদা চিংনবা লৈরবদি ফুদ সেফটি এদমিনিষ্ট্রেসন্দা পাউ পীরক্কদবনি হায়না খঙহল্লক্লি। হোতেলনচিংবা তৌরিবশিংনসু অচুম্বা লোৎশীল্লগা নমথাক তৌরোইদবনি হায়রক্লি।
You may also like
-
ৱাকৎ মীফমগা লোয়ননা খন্ন-নৈনখ্রে
-
ইন্দিয়ানা চান্দেলগী লম স্কোৱার মাইল ১.৪ ম্যান্মারদা পীথোক্নবা থৌরাং তৌরব্রা হায়বগী চিংনবা মীয়ামগী পূক্নীংদা ফাওরি, খুঞ্জাশিং চেন্নখিবা য়ানা লৈরে: রিপোর্ট
-
পেসেঞ্জর ১০০ পুরকখিবা গারিশিং ইম্ফালদা থুংলরে, অতোপ্পা পেসেঞ্জর ২৫০ না গুৱাহাটি পাংখ্রে
-
জে এফ দিনা মীহূৎশিংদা ৱাহং-খোঙচৎ হৌখ্রে
-
অচুম্বা য়ুমফম লৈতে’ মণিপুরদা সেন্সসকী মমাংদা এন.আর.সি. পাংথোক্নবা তকশিনবদা কুকি কাংলুপশিংনা য়াখিদ্রে