ষ্টেট লেভেল সিরুই লিলি ফেষ্টিবেল, ৫শুবা ইদিসন-২০২৫ কি মাঙওইননা ষ্টেট বার্দ ওইরিবা নোংইন হায়রিবা অতাঙবা উচেক মখল অসী তুংকোইনা য়োকখত্তুনা, ঙাক-শেন্দুনা মশীঙ হেঙ্গৎহন্ননবা পান্দমদা রন ফোর নোংইন হায়না মিংথোনবা মরাথোন রেস অমা ঊখ্রূলদা পাঙথোকখ্রে। সেভেন সিষ্টর্স ফাউন্দেসন্না ঊখ্রূল ফোরেষ্ট দিভিজনগা খূৎশম্নদুনা রন ফোর নোংইন অমসুং ট্রাশ মরাথোন হায়রিবা অশাংবা (মরাথোন) লমজেল অদূ মতম অমত্তদা ঊখ্রূলগী দিভিজনেল ফোরেষ্ট ওফিসার গিটলা লাইশ্রম্না অয়ূক পূঙ ৬.৪৫ তাবদা লমথাখি।
নোংইন হায়না মিংথোনবা উচেক মখল অসী ষ্টেট বার্দ অমনি হায়না শকখঙনরবা, ঊখ্রূলগী সিরুই চীঙশাং অমসুং অতৈ অৱাংবা চীঙগী শরুকশিংদা ফংবা উচেক মখল অমনি। উচেক অসী তুংকোইনা য়োকখত্তুনা ঙাক- শেন্দুনা অমসুং মশীঙ হেন্না য়ামখৎহন্ননবা থবক- থৌরমশিং পায়খৎমিন্নরসি হায়বা পান্দমদা মরাথোন রেস অদূ পাঙথোকখিবনি।
রন ফোর নোংইন হায়না মিংথোনবা মরাথোন রেস অদূদা নাগালেন্দগী ফেক দিষ্ট্রিক্ট তগী জর্সি নম্বর ০৬৬ ৱেদি মেরো না অহানবা পোজিসন, ঊখ্রূলদগী জর্সি নম্বর ১৫৩,থোৎঙাচৈরিন হুনফুন লুইয়ি না অনীশুবা পোজিসন অমসুং ঊখ্রূলদগী জর্সি নম্বর ১৫৫ রিংহোর্সেম মুইনাউ না অহুমশুবা পোজিসন লৌবা ঙমখি।রন ফোর নোংইন হায়রিবা মরাথোন রেস অদূ কিলোমিটর ১৫ শাংনা ফুংরৈতাংদগী সিরুই ভিল্লেজ ফাওবা চেনখিবনি। অমরোমদা, ট্রাশ মরাথোন রেস অদূ কিলোমিটর ১.৭ শাংনা, ফুংরৈতাংদগী হুংপুং দা লৈরিবা বক্সি গ্ৰাউন্দ ফাওবা চেনখিবনি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে