নেস্নেল দে ফোর বাইওলোজিকেল দাইভর্সিটি ২০২৫ ওবজার্বেসনগা মরী লৈননা বিষ্ণুপুর দিষ্ট্রিক্ট কি ফোরেষ্ট দিভিজন্না শীল-লাঙদুনা দিষ্ট্রিক্ট লেভেল স্পোট পেন্টিং কম্পিটিসন অমা ঙরাং বিষ্ণুপুর হায়র সেকেন্দরি স্কুল দা পাঙথোকখ্রে। হারমোনি ৱিথ নেচর এন্দ সষ্টেনেবল দেভলপমেন্ট হায়বা থিমদা পাঙথোকখিবা পেন্টিং কম্পিটিসন অদুদা বিষ্ণুপুর দিষ্ট্রিক্ট কি তোঙান তোঙানবা স্কুল ২০ দগী লাকপা মহৈরোয় ৫৯ না শরুক য়াখি।
কম্পিটিসন অদু মীওইবা অমসুং অকোয়বদা লৈরিবা চীঙ-পাৎ-তুরেলশিং, উমং-ৱামং, লম্লক্লি শা, উচেকশিং অমসুং পাম্বীশিংগী মরক্তা তৎন-থানবা য়াদ্রবা মরী অমা লৈদুনা তাইবংসিদা পূন্না হিংমিন্নরিবনি, মরম অদুনা মখোয় ময়াম অসী তুং কোইনা মাঙহন্দনা, ঙাক শেন্দুনা থম্বা হায়বসি মীওইবা ঐখোয়গী তঙায়ফদ্রবা ঈথৌদাংনি হায়বদু নৌরিবা মহৈরোয়শিংদা খঙহন্ননবা পান্দমদা পাঙথোকপনি হায়না থৌরমদু পাঙথোকপদা মরুওইবা থৌদাং লৌখিবী বিষ্ণুপুর দিষ্ট্রিক্ট ফোরেষ্ট দিভিজনগী দি এফ ও ৱাইখোম রোমাবাইনা ফোঙদোকখি।
থৌরমদুদা আর এফ ও হেদক্বার্টর ওইনা লৈরিবা আর কে সদানন্দা, আর এফ ও বিষ্ণুপুর এম নিল্লমনি, আর এফ ও মোইরাং ঐচ গিতচন্দ্র, বিষ্ণুপুর হায়র সেকেন্দরি স্কুলগী প্রিন্সিপাল কে ঐচ শ্যামকুমার অমসুং অতৈ শক্নায়রবা মীওইশিং অমদি বিষ্ণুপুর ফোরেষ্ট দিভিজনগী ষ্টাফশিংসু শরূক য়াখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি