নেস্নেল লিবরেসন ফ্রন্ট ওফ ত্রিপুরা (এন এল এফ টি) অমসুং ওল ত্রিপুরা টাইগর ফোর্স ( এ টি টি এফ) কি অপূনবা ইন্সর্জেন্ট ৫৮৪ হৌখিবা লৈবাকপোকপা নুমিত্তা ত্রিপুরা লৈঙাক্তা সরেন্দর তৌরকখিবগা লোয়ননা মতম শাংনা ষ্টেট অসীদা লৈরকখিবা লালহৌবগী ঈরাং মতম পূম্নমক্কি ওইনা থূপচীনবা ঙম্লে, ত্রিপুরা দা অনৌবা পুন্সি অমা চ্ৎনরকপা হৌরক্লে হায়না ষ্টেট অসীগী চিফ মিনিষ্টরনা অপেনবা ফোঙদোকখ্রে।
ইন্সর্জেন্ট শিং অদুনা মহৌশাগী শান্তি ওইবা পুন্সিরোলদা অমুক হঞ্জিল্লকপদা য়াম্না নুঙাইবা ফোঙদোকখিবা চিফ মিনিষ্টর মানিক শাহানা হায়, মতম অমদা ইন্সর্জেন্সিগী মকোন অমা ওইরম্লবা ত্রিপুরা ঙসীদি ঈং-তপ্পা অমসুং অরংবা চাওখৎপগী অশেংবা মঙাল অদূ উবা ফংলক্লে। সেপাহিজালা দাষ্ট্রিক্ট কি জম্পুইজালাদা লৈরিবা ত্রিপুরা ষ্টেট রাইফলসকি তরেৎশুবা বত্তালিয়ন্দা পাঙথোকখিবা তরাম্না ওকখিবা থৌরম অদূদা ইন্সর্জেন্ট শিং অদুনা লৈঙাক্তা সরেন্দর সরেন্দর তৌদুনা, মখোয়না লোয়নরকখিবা খূৎশু- খূৎলায়শিং অদূ সরেন্দর তৌখি।
এন এল এফ টি, এ টি টি এফ, ত্রিপুরা লৈঙাক অমসুং সেন্টর লৈঙাক্কি মরক্তা চহী অসীগী হৌখিবা সেপ্তেম্বর মরিদা পিছ একোর্দ কি খূৎয়েক পীনখ্রবা মতূংদা লাক্লিবা অনৌবা খোঙথাং অসীনা ত্রিপুরা দা মহৌশাগী শক্তম হঞ্জিলহনবদা খ্বাইদগী অচৌবা মতেং ওইরগনি হায়না চিফ মিনিষ্টরনা ফোঙদোকখি।
You may also like
-
সি এম খেমচান্দ না সূ দেজিগনেটেদ কেম্প তা হকথেঙননা চত্তুনা য়েংশিনবা মনিপুরগী অহানবা চিফ মিনিষ্টর ওইরে
-
অনাল ফূরূপকি লৌরোক ফেষ্টিবেল মপুঙফানা পাঙথোকখ্রে
-
পূং ২৪ দা মনিপুরদা মীওই ১৪ পোজিটিব ওইখ্রে
-
এম এল এ ৫০ না থম্মোয় শেংদবদগী মনিপুরগী মীয়াম্না ৱারিবনি:তোম্বা
-
মরিং কম্যুনিটি শগী অৱাৎ-অপা য়েংশিনগনি হায়বগী থাজবা সিএম্না পীখ্রে