মনিপুর খুন্নাইদা অমসুং মালেমগী ওইনা হৌগৎলক্লিবা, তুংগী য়ূম্বীরেল ওইরক্কদৌরিবা মীরোলদা ময়ায় কাবা নিষাগী পোৎলমশিংনা পীরক্লিবা শাথিরবা, হিংচাবগী মতৌগুম্লবা চৈথেং কয়া অসীগী মতাংদা খন্নখিবগা লোয়ননা অসীগুম্বা অকিবগী, হিংচা-য়াইতম্বগী শক্লোন লৌরিবা দ্রগ, য়ু নচিংবা নিষাগী পোৎলমশিং অসীবু খুনাই অসীদগী মরূ ফংনা মূত্থৎনবা হোৎনবদা ঐখোয়গী মীয়াম্না করি করম্বা থৌদাং লৌফম থোকপগে হায়বগী মতাংদা নোংমগী ওইবা খন্ন- নৈনবগী প্রোগ্রাম অমা ঙরাং নুংথিল পূঙ ১ রোম তারকপদা মোইরাং খূনৌ মখা লৈকায়দা কোলিসন এগেন্স দ্রগ এন্দ আলকোহোল (কাদা) না মোইরাং খূনৌ মখা লৈকায় মৈরা পায়বী লূপকা খূৎশম্নদুনা পাঙথোকখ্রে।
ঙরাংগী থৌরমদুদা কাদা ময়ায় লোয়শঙগী প্রসিদেন্ট হিজম প্রিয়োকুমার, মোইরাং খূনৌ মখা লৈকায় মৈরা পায়বী লূপকি প্রসিদেন্ট লাইশ্রম সুনিবালা অমসুং কাদা বিষ্ণুপুর দিষ্ট্রিক্ট কম্মিটিগী প্রসিদেন্ট হুইনীঙসুবম বসন্তি শরুক য়াখি। কাদাগী ভাইস প্রসিদেন্ট না খন্ন- নৈনবা থৌরমদুদা রিছোর্স পার্সন ওইনা ৱা ঙাঙখি।