ঙসীদগী চহী ৫০ রোমগী মতমদগী মৈতৈশিংনা খুন্দা-লৈতাদুনা লৈরক্লবা ইম্ফাল ইষ্ট দিষ্ট্রিক্ট মনূঙচন্না লৈরিবা চীঙমৈরোং এরিয়াগী লৈ ইংখোল হায়না খঙনরিবা মৈতৈগী খুল অসী হায় কোর্ট এক্সপান্সনগী মিংদা লম লৌশিনগনি হায়দুনা মরী লৈনবা দিষ্ট্রিক্ট এদমিনিষ্ট্রেসন্না ইভিক্সন ওর্দর থোক্লিবসি য়াবা ঙম্লোই হায়না লৈ- ইংখোলগী মশীঙ য়াম্লবা নূপীশিংনা মনিপুরগী গভর্ণরদা মেমোরেন্দম পীশীন্দুনা ৱাকৎখ্রে।
তোঙান- তোঙানবা খোল্লাউগী চেরোল য়াওরবা প্লেকার্দশিংগা লোয়ননা ইম্ফালগী রাজভবন্দা থোমজীল্লকখিবা লৈ- ইংখোলগী মশীঙ য়াম্লবা নূপীশিং অদূ সেক্যুরিটি পার্সনেলশিংনা থত্তুনা ঙাইহাক থম্লবা মতূঙদা মখোয়গী মরক্তগী মীওই ৭ খনগৎলগা মেমোরেন্দম পীশীলহনখি। লৈ- ইংখোলগী অপূনবা পাক চাউবা এরিয়া অসী হান্নদি একর ৪৯ ওইরম্বদগী হায় কোর্ট শাখিবগী লম লৌশিন্দুনা ফেন্সিংনচিংবা খাজীনখিবদগী হৌজিক লেমহৌরিবসি শুপ্নগী লম একর ২৯ লোমদমক ঙায়হৌরবনি।
অদুবু হৌজিক অমূক হায় কোর্ট এক্সপান্সনগী মিংদা দি সিনা ইভিক্সন ওর্দর পীশীল্লক্লিবসি য়াবা ঙম্লোই, লৈ- ইংখোলগী মীয়াম মফম অসীমক্তদা শিরবসু শিগনি হায়না খোঙজঙলোয়শিং অদূনা ফোঙদোকখি। মৈতৈগী খুল মূত্থৎপা য়ারোই, লৈ- ইংখোল থুগাইবা য়ারোই, দিসিগী ইভিক্সন ওর্দর চৎনবা য়ারোই হায়না থাবা প্লেকার্দ কয়া মখোয়না শীজীন্নখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে