কুকি- জো কাঙলূপকি সিভিল সোসাইটি ওরগনাইজেসনশিং অমসুং কাঙলূপশিং অসীগী খূৎলায় পায়বা, সূ সাইন তৌনরিবা কাঙবূগা সেন্টর অমসুং ষ্টেট লৈঙাক্কি লুচিংবশিং, নাকল অহূমগী ওইবা য়ান্ন-চেরোল অমা হন্দক্তা নৌনা খূৎয়েক পীনখিবগা লোয়ননা নেস্নেল হায়ৱেশিংদা কুকি- জো কাউন্সিলনা অথিংবা থম্লকখিবদূ খূদক্তগী হাংদোক্লে হায়না লাউথোকখ্রে।
মসীগা লোয়ননা মনিপুরগী ঈরাং অসী হৌরকখিবদগী ঙসীফাওবা মনিপুরদা লাক্তে হায়দুনা মীয়াম্না পেন্দবশিং ফোঙদোক্তুনা লাকখিবা প্রাইম মিনিষ্টর নরেন্দ্র মোদি য়াম্না অথূবা মতমগী মনূঙদা ষ্টেট অসীদা লাক্তুনা ইম্ফাল অমসুং চুরাচান্দপুরদা পাঙথোক্কদবা মীয়ামগী মীটিংশিংদা ৱা ঙাঙলগনি হায়বগী চপচাবা থাজবা লৈখ্রে। প্রাইম মিনিষ্টরগী মনিপুর খোঙচৎ অসীগী মতাঙদা ওফিসিয়েল ষ্টেটমেন্ট অমা পি এম ওগী মায়কৈদগী ঙসী নোংমা-নীনীগী মনূঙদা শোয়দনা লাউথোরক্লগনি হায়রি।
মতম শাংনা হাৎন-শুনবগী, য়েংথীনবগী ফীভম অমা লৈরুরবা ষ্টেট অসীদা কাঙলূপ অনীগী মরক্তা চঙথোক-চঙশীন তৌনবা য়াবগী ফীভম লৈরকপগা লোয়ননা মহৌশাগী শক্তম হঞ্জিল্লকপা হৌরক্লি। মসীগা লোয়ননা লাক্লিবা ওক্তোবর থা ফাওবগী মনূঙদা ষ্টেট অসীদা পোপ্যুলর গভর্নমেন্ট অমা শোয়দনা থম্বা য়াননবগী লম্বী অমসু নাকল অহূমগী ওইবা য়ানখিবা অদূনা য়াৎখ্রে হায়রি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা