চৎলিবা এপ্রিল থা অসীগী মাপন্দা পাঙথোক্কদৌরিবা অসাম লেজিসলেটিব এসেমব্লিগী মীখল অসীগী লক্ষিপুর এসেমব্লি কন্সটিটুয়েন্সিদা কংগ্ৰেস মীরেপ ওইরিবা মাইমোম শান্তিকুমারগীদমক ভোৎ খোম্বগী থবক অয়ৌবী থাক্তা কনখৎলকখ্রে।
ইন্নর মনিপুর পার্লিয়ামেন্টরি কন্সটিট্যুয়েন্সিগী লোক সভা এম পি দা.অঙোমচা বিমোল অকোয়জম্না শান্তিকুমারগীদমক মীয়ামগী মফমদগী ভোৎকি ভিক্ষা নিবগা লোয়ননা মনিপুরগী মীয়াম্না অমত্তা ওইবা ৱাখল্লোন্দা মহাকপু শৌগত্তুনা মায় পাকহনখিবা অদুগুম্না অসামদা লৈরিবা মনিপুরি মৈতৈ অমসুং মৈতৈ-পাঙলশিংনসু অমত্তা ওইনা পূন্দুনা শান্তিকুমারবু মীখল অসীদা মায় পাকহল্লসি হায়বা ৱাফম থমখি।
থা অসীগী অনীদা দা.অঙোমচা বিমোলনা সিলচর এয়ারপোর্টতা থুংলখিবদা মীয়াম্না তরাম্না ওকখি।