দি ৱায়র নিউজগী জর্নেলিষ্ট কারন থাপর অমসুং সিধারথা বর্দরাজনগী মথক্তা আসাম পুলিসনা সেদিসনগা মরী লৈনবা চার্জ তৌরদুনা পুলিস ষ্টেসন্দা মশা লাক্ননবা সম্মোন থাখ্রে।
হৌখিবা আগষ্ট ১২ দা সম্মোন শিং থাদুনা মখোয়বু লাক্ননবা খঙহনখিবনি। সুপ্রিম কোর্ট না মমাঙদা তাখিবা জজমেন্ট মতূঙ ইন্না জর্নেলিষ্টশিংগী মথক্তা কনাগুম্বা অথোরিটি অমত্তনা সেদিসনগী চার্জ তৌবা য়ারোই হায়বা ৱাফম অমসু লৈরি।
অদূম ওইনমক আসাম পুলিসকি ক্রাইম ব্রাঞ্চ না ভার্টিয় ন্যাই সংহিতাগী সেক্সন ১৫২ গী মখাদা কেস অমা লৌখৎখত্তুনা মখোয়বু ফাগৎনবা থৌরাং তৌরি।আসাম পুলিসকি থৌওং অসিবু প্রেস কাউন্সিল ওফ ইন্দিয়া (পি সি আই) অমসুং ইন্দিয়ন ৱিমেন প্রেস কোরনা য়াম্না কন্না কন্দেম তৌখ্রে হায়রি।