মনিপুরদা হৌখিবা কুমশিং ২০২৩ গী মে অহুমদগী ঙসীফাওবা থোক্লিবা লেপ্পা নাইদ্রবা হীঙশাগী ঈরাং অসীনা মরম ওইদুনা লৌমী কয়ামরুম অৱা-অনা তাদুনা, খুদোংচাদবা মায়োক্নরগা লৈরি অদুগা হান্না লৌ উনরম্বা লৌফম হেক্তর কয়াসু লৌ উবা ঙমদনা লৈরে হায়না য়ুনিয়ন মিনিষ্টর ওফ ষ্টেট ফোর এগ্ৰিকলচর এন্দ ফার্মর্স ৱেলফ্যার রামনাথ থাকুরনা লোক সভাগী নোংজু মীফমদা ঙরাং ফোঙদোকখ্রে।
ইন্নর মনিপুর পারলিয়ামেন্টরি কন্সটিট্যুয়েন্সিগী এম পি দা. অঙোমচা বিমোল অকোয়জম্না হংলকখিবা ৱাহং অমগী পাউখুমদা মিনিষ্টরনা মহাক্কি ৱাফম অসী ফোঙদোরকখিবনি। মিনিষ্টরনা মখা তানা হায়, ঈরাং অসী মনিপুরদা লৈরকখিবদগী হৌজিক লৌফম হেক্তর ১১,৯৬৭.৪ লৌ উবা ঙমদনা লৈরি। লৌমী ৯,১৮২ খুদোংচাদবা, অৱাবা মায়োক্নরগা লৈরক্লি। চহীগী ওইনা লোক্কদবা ফৌ মেট্রিক টন ২৭,২৬৯ মাঙহল্লে। চৈরকশিদা মনিপুরগী লৌমী ৩ হীঙশাগী ঈরাং অসীদা লৈখিদ্রে অদুগা লৌমী ৮ শোকহনখ্রে হায়খি।
মহাক্না মখাতানা হায়, ইম্ফাল ইষ্টকি ওইনা লৌফম হেক্টর ১৫৬২.৮৮, ইম্ফাল ৱেষ্ট তা লৌফম হেক্টর ৫৬২.৬২, বিষ্ণুপুর দিষ্ট্রিক্ট তা লৌফম হেক্টর ২২৮০, থৌবাল দিষ্ট্রিক্ট তা লৌফম হেক্টর ৩৬, ককচীঙদা লৌফম হেক্টর ৩২৯, জিরিবাম দিষ্ট্রিক্ট তা লৌফম হেক্টর ৭৩, চুরাচান্দপুর দিষ্ট্রিক্ট তা লৌফম হেক্টর ২৯৩২, চান্দেলগী লৌফম হেক্টর ১০৯, তেংনৌপল দিষ্ট্রিক্ট তা লৌফম হেক্টর ২৫৮ অমসুং কাংপোকপিদা লৌফম হেক্টর ৩৮২২ লৌ উবা ঙমহন্দনা লৈরি হায়না মিনিষ্টরনা থমখি।
You may also like
-
২০২৬ সি.ডব্লিউ.জি. গ্লাস্গোদা মনিপুরগী ৱেৎলিফতার বিন্দিয়ারানিনা বোঞ্চ মেদল ফংখ্রে
-
সেক্যুরিটি ফোর্স কি মমাঙমক্তদা কুকিশিংনা তাংখুলশিংদগী চানা-থক্নবা পোৎলমশিং মুন্দুনা লৌখ্রে
-
ষ্টেট লৈঙাক্না শীন্দুনা কার্গিল বিজয় দিবস পাঙথোকখ্রে
-
ককচীং লন্দোংদা লৈবা সোসাইটিগী গোদাউন মীওই খরনা কনাগুম্বা অমদা লোন্না য়োন্থোক্লম্লে
-
নোং কন্না তাবদগী লৌফম কয়া ঈশীং থুমজিনখ্রে, লম্বীশিং তুরেলগা পাঙ্খক ওইরে