ষ্টার্ট অপ ইকো সীস্তেমদা মনিপুরনা অৱাং নোংপোক ইন্দিয়াগী ষ্টেটশিংগী মনূংদা খ্বাইদগী মাঙজিল থানা চৎলি। মসী পূক্নীং থৌগৎনিংঙাই ওইবা খোঙথাঙ অমনি।লমদমসিগী ওফিসিয়েলশিং, ইন্সটিট্যুট,ওন্ট্রপ্রিনিয়রশিং অমসুং পোলিসী মেকরশিংনা লেপ্তনা হোৎনজরকপগী মহয়না অসীগুম্বা মিংচৎ অসিদা য়ৌরকপা ঙম্লিবনি হায়না চিফ মিনিষ্টর য়ূম্নাম খেমচান্দনা ফোঙদোকখ্রে।
ঙরাং ইম্ফালগী ক্লাসিক গ্ৰান্দেদা মনিপুর লৈঙাক্কি প্লান্নিং দিপার্টমেন্টনা শীন্দুনা পাঙথোকপা দিজি সপনে, ২.০ গী লোঞ্চিং প্রোগ্ৰামদা অথোয়বা মীথুংলেন ওইনা শরুক য়ারদুনা চিফ মিনিষ্টরনা ৱাফম অসী ফোঙদোকখিবনি। ষ্টার্টঅপ মনিপুর অসী নেস্নেলগী থাক্তা মীয়াম্না মশক খঙবা হৌরে। দিজি সপনে ২.০ হৌদোক্লিবসি মনিপুরগী ওন্ট্রপ্রিনিয়র ওইনিংবা নহারোলশিংদা লৈঙাক্না মতেং পাংননবা লৌখৎলকপা থৌরাং অমনি।থবক শূনীংবা মীওইগীদমক্তদি লৈঙাক অসীনা মতম পূম্নমক্তা মতেঙ পাংননবা থোঙ লাওনা হাংদোক্তুনা থম্লি হায়না চিফ মিনিষ্টর অসিনা ফোঙদোকখি।
ইন্দিয়াদা ষ্টার্টঅপ কি খোঙথাং য়াঙশীল্লকপগা লোয়ননা মহৌশা থবক থিরিবা লৈবাক অমা ওইরম্বদগী ঙসীদি হীরম কয়াদা খূমাঙ চাওশীল্লকপগা লোয়ননা মালেমগী মীয়ামদা থবক পীরিবা লৈবাক অমা হায়বদূ ওইবা ঙম্লক্লে হায়না খেমচান্দনা মখাতানা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা