চৎলিবা দিসেম্বর থা অসীগী অমদগী হৌনা চত্থরকখিবা পারলিয়ামেন্টকি নিংথম মীফমগী নীনী চনবা নুমিৎতা ঙরাং কংগ্ৰেসনা লুচিংবা ওপ্পোজিসন লিদরশিংনা ইলেক্টোরেল রোলগী স্পেসিয়েল ইন্টেন্সিব রিভিজন (এস আই আর) ইস্যুগী মতাঙদা খূদক্তা খন্নগদবনি নত্রগা থেঙলবদা ঙসী য়ূমসকৈশা নুমিত্তা দিস্কসন পাঙথোক্কদবনি হায়বা অকনবা দিমান্দ তৌরদুনা পার্লিয়ামেন্ট কমপ্লেক্সতা প্রোটেষ্ট তৌখ্রে।
কংগ্ৰেস প্রসিদেন্ট মালিকার্জুন খরগে,পার্টিগী লুচিংবশিং-সোনিয়া গান্ধী অমদি রাহুল গান্ধী য়াওনা ওপ্পোজিসনগী লুচিংবা কয়ানা এস আই আর ইস্যু পুখত্তুনা অকনবা মওংদা য়ানিংদবা ফোঙদোক্তুনা প্রোটেষ্ট তৌখ্রে। পার্লিয়ামেন্টরি এফ্যের্স মিনিষ্টর কিরেন রিজিজূনা ইস্যু অসীগী মতাঙদা কংগ্ৰেসনা লুচিংবা ওপ্পোজিসন পার্টিশিং – এএপি,সমাজৱাদি পার্টী,সিপিআই(এম),ট্রিনামুল কংগ্ৰেস,দি এম কেনচিংবগী লুচিংবশিংগা মীফম পাঙথোক্তুনা খন্নরগনি হায়না ফোঙদোকখি।
অদূম ওইনমক করম্বা নুমিত্তা খন্নগনি হায়বদি ফোঙদোরকখিদবনা ওপ্পোজিসন পার্টিশিং অশাওবা ফোঙদোক্নখি।রিপোর্ট অমগী মতূঙ ইন্না,ইস্যু অসী লাক্লিবা দিসেম্বর ৭তা ভন্দে মাতরমগী ১৫০ শুবা কুম্মোন থৌরম পাঙথোকপগা লোয়ননা খন্নরগনি হায়না খঙহল্লক্লি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর