মনিপুরগী হীংশাগী ঈরাং অসী থা ১৮ শুরক্লে। মসিগী মতাংদা মতম মতমগী সজেসন কয়া পীদুনা ঈরাং অসী লোইশিনবিননবা কংগ্রেস পার্টিনা সেন্টর অমসুং ষ্টেট লৈঙাক্কি মফমদা তকশীন্দুনা লাক্লবসু ওপ্পোজিসনগী সজেসন নৱা লৌদে হায়বগী মতাগুম তাশীন- উশিন্নদনা লৈরক্লিবসি য়াম্না লাইবক থীবনি। সেন্টর লৈঙাক্কি থৌওং অসীদি ঐখোয় মশেল হাত্তোক্নজরো অদূগা অঙম্বা কাঙবূ অদুনা লৈবাক ঙাকচরো হায়বগা চপ মান্নরে হায়না মনিপুরগী হান্নগী চিফ মিনিষ্টর অমসুং সি এল পি লিদর ওক্রম ইবোবিনা ফোঙদোকখ্রে।
ঙরাং অয়ুক ইম্ফালগী বাবুপারাদা লৈরিবা মহাক্কি ওফিসিয়েল ক্বার্টরদা পাঙথোকখিবা পাউমীশিংগা উনবগী থৌরমদা ইবোবিনা ৱাফম অসী ফোঙদোকখিবনি। মহাক্না হায়, হন্দক জিরিবামদা কা হেনবা হীংশাগী ঈরাং থোক্লক্তুনা মীশী মীনা কয়ামরুম চিন- কুকি নার্কো- টেরোরিষ্টশিংনা থোকহল্লক্লি। থা অসীগী ১১ দা মিলিটেন্টশিং অসিনা নূপী অহুম অমসুং অঙাঙ অহুম, পূন্না মীওই তরুক ফাজিন্দুনা থমখিবদগী ঙসীফিওবা থাদোরক্ট্রি।
মীওইবা মশেলনি, মীওইবগী মিনুংশি য়েংলগা করিশু খঙজদবা, মরাল লৈজদ্রবশিং অদূ তেক্ত- কায়দনা থাদোকপিরক উ হায়নসু ইবোবিনা মরী লৈনবশিংদা আপিল তৌখি। ইন্দিয়া লৈঙাক্না মনিপুরগী হীংশাগী ঈরাং অসিদা করিসু নাচুংদনা লৈথোক্লিবসি লাইবক থীবনি হানসু মহাক্না ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে