থা অসীগী ১১ দা জিরিবাম দিষ্ট্রিক্টকি বোরোবেক্রা পুলিস ষ্টেসনগী মনূংচন্না লৈরিবা মৈতৈশিংনা খুন্দারিবা এরিয়াশিং অমসুং জাকুরাধোর এরিয়াদা কুকি-মার মিলিটেন্টশিংনা মায়কৈ অহুমদগী কোয়শীল্লক্লগা নোংমৈ কাপশীল্লকখিবা থৌদোক্তা মিপাইদুনা লাঞ্জেন্নখ্রবা মৈতৈ ফূরূপকি মীওই ১০ গী মনূংদা হৌজিকফাওবা অঙাং অহুম য়াওনা মীওই তরুক থিবা ফংদনা লৈরি। নবেম্বর ১১গী থৌদোক অদুদা সি আর পি এফতা মিলিটেন্টশিং অদূনা অত্তৎ- অখম লৈতনা অফবা মখলগী খূৎলায়শিং শীজিন্নদুনা এত্তেক চত্থরকখিবা অমদা সি আর পি এফ পার্সনেল অমা লায়কন্নবা ঙমদনা খূদক্তা লৈখিদবনি। সি আর পি এফ নসু খূৎ হন্দুনা নোংমৈ কাপশিল্লকখিবা থৌদোক্তা মিলিটেন্ট ১১ শিখিবনি।
মাঙখিবা মীওই তরাদুগী মনূংদগী অহল ওইরবা মীওই অনী- লাইশ্রম বেরেল (৬৩) অমসুং মাইবম কেশো (৭১) শিনা ফংখি। মসীগা লোয়ননা অতোপ্পা মীওই অনী- পেবম রাজকুমার (৬৪) অমসুং ওইনাম থোংলেন (৭১) দি সেক্যুরিটি ফোর্সনা রেসক্যু তৌখ্রে। হৌজিক নূপী অহুম অমসুং অঙাঙ অহুম, পূন্না মীওই তরূক থিবা খঙদনা লৈরি। মনিপুর পুলিসনা লুচিংবা কম্বাইন সেক্যুরিটি ফোর্সনা মাঙখ্রবা মীওই তরুক অদূ ফংদ্রি ফাওবা থিবগী থবক চত্থবা হৌখ্রে।
মাঙখিবদগী থিবা ফংদ্রিবশিং অদুদি- লাইশ্রম হৈতোম্বি(২৫) মপুরোইবগী মিং এল হেরোজিৎ অমসুং মহাক্কি মচানূপা এল চীঙখৈঙানবা (৩) , এল লমঙানবা ( থা ১০) , য়াম্বেম রানি (৬৬) মপূরোইবগী মমীং নবকুমার, টেলেম থোইবি (৩০) মপূরোইবগী মমীং টেলেম উত্তম, টেলেম থাজমানবি (৮) হায়রিবশিং অসিনি।
You may also like
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে
-
ৱারী লীবা ফেষ্টিভেল লোইশিনখ্রে