মনিপুরগী তোঙান- তোঙানবা দিষ্ট্রিক্ট শিংদা লৈরিবা চীঙ অমসুং তম্পাক্কি এরিয়াশিংদা চত্থরক্লিবা সর্স ওপরেসনশিংদা য়াম্লবা খূৎশু- খূৎলায়শিং ফাগৎপা লেপত্রি। থা অসীগী ১৬ অমসুং ১৭ তসু ইম্ফাল ইষ্ট, ককচীঙ দিষ্ট্রিক্ট অমসুং সেনাপটি দিষ্ট্রিক্ট শিংদগী খূৎলায় কয়ামরুম ফাগৎপা ঙমখ্রে। সেক্যুরিটি ফোর্স না ইম্ফাল ইষ্ট দিষ্ট্রিক্টকি মনূঙচন্না লৈবা নোংজেংবি উরূপ চীঙদা সর্স ওপরেসন চত্থবদা ৩০৩ রাইফল ১গা লোয়ননা মেগজিন অমা, নাইন এম এম পিষ্টোল অমা, মেগজিন অহুম, কন্ট্রিমেদ পিষ্টোল অমা অমসুং অতৈ য়াম্লবা পোৎলমশিং রিকোভর তৌবা ঙমখি।
অমরোমদা, ককচীঙ দিষ্ট্রিক্টকি খরূঙপাৎ বফেল্লো ফার্ম মনাক্তা চত্থখিবা সর্স ওপরেসন অমদা মেগজিন য়াওবা কার্বাইন অমা, বোল্ট এক্সন সিঙ্গল বেরেল রাইফল মরি, রিভোলবর অমা, ৩৬-হেন্দ গ্ৰেনেদ অহুম, ৫১ এম এমগী মোর্টার সেল অমা অমসুং য়াম্লবা অতৈ খূৎশু- খূৎলায় কয়া ফাগৎখি।
সেক্যুরিটি ফোর্সনা মখাতানা সেনাপটি দিষ্ট্রিক্টকি মনূঙচন্না লৈবা কাইলেঞ্জাং ভিল্লেজদা চত্থখিবা সর্স ওপরেসনশিংদা য়াম্লবা নোংমৈ মখলশিং, নোংমৈ মরূ অমসুং পোকখায়বা য়াবা মচাকশিং পৈশিন্দুনা শকখঙদবশিংনা থম্লম্বদগী রিকোভর তৌবা ঙমখ্রে হায়রী। ফাগৎলকখ্রবা খূৎশু- খূৎলায়শিং অদূ মখাতানা ইনভেষ্টিগেসন চত্থনবগীদমক মরী লৈনবা পুলিস ষ্টেসনশিংদা শিন্নখ্রে হায়না মনিপুর পুলিসকি পাউ অমনা মখা তারক্লি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে