খুন্নাই অসিদা লো লৈত্রবগুম, মথৌ মশক খঙদবশিংনা তৌনিং তৌনিংবতা তৌবা, লো লৈতবগী নিতি অমা চত্থরক্লিবসি খূদক্তা লেপ্পু, নত্রবদি লৈবাক অসীদা য়াম্না শাথীবা ঈরাং মায়োক্নরক্কনি, মমা ওইবিশিংসু তৌনিং তৌনিংবতা তৌবা তারক্লবদি কনানা কনাবু ৱারকপা তারিবগে অদুগা মতমদুদা লমদম অসী করি ওইরক্কদগে হায়না কোকোমিগী ৱিমেন ৱিংনা ফোঙদোকখ্রে।
কোকোমিগী এসিষ্টেন্ট কো-ওর্দিনেটর আর কে থরাকসনানা ৱাফম অসী ফোঙদোক্লদুনা হায়, থা অসীগী ১০ গী নুমিদাংদা ইম্ফাল ৱেষ্ট দিষ্ট্রিক্টকি মনূং চন্না লৈরিবা শগোলবন্দ তেরা অমুদোন খম্নাম লৈরক্তা লৈবি আর কে ইচন্থোইগী দুকান্দা শকখঙদবা খূৎলায় পায়বা নহা খরনা খঙহৌদনা চঙলক্লগা কিহন- খংহনবগী থৌওং চত্থরম্বা অদু মী উশিত্তবা অমসুং লো লৈতবগী মওংনি। মদু মতূংদা অমুক হন্না তৌদবা ফৈ। অমুক হন্না থৌওং অদূ চত্থরকপা তারবদি মমা ওইবিশিংনা ঙাওরকপা মতমদদি নখোয় কনানসু থিংবা ঙম্লোই হায়বসি খন্থগদবনি হায়খি।
কোকোমিগী লম্ফেলদা লৈবা ওফিসতা পাঙথোকখিবা পাউমীশিংগা উনবগী থৌরমদা থরাকসনানা ৱাফম অসী ফোঙদোকখিবনি। আর কে ইচন্থোইদা মরম অমত্তা খঙহনবা তৌদনা য়াম্না থৌনা ফবা শাদুনা, লৈবাক নীংবা শাদুনা হুরানবা খরনা চত্থরম্বা থৌওং য়ানিংদে। মখোয়বু ৱারকপীননবা লমদম অসীদা মতীক চাবা ঈচা- ঈশু অমত্তা লৈত্রবরা হায়না পেন্দবা ৱাফম কোকোমিগী কাঙবূ অসীনা ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর