পিপলস য়ুনিয়ন ফোর সিভিল লিবর্টিজ (পি য়ু সি এল) কৌবা, দিল্লিদা বেজ তৌবনি হায়বা লূপ অমনা হন্দক, হৌখিবা আগষ্ট ২০ দা ফোঙদোরকখিবা ইন্দিপেন্দেন্ট পিপলস ট্রিব্যুনেলগী রিপোর্টনি হায়রিবা ৱাফমশিংদু অদূ মনিপুরদা কুকি-জো কাঙলূপ্না চত্থরক্লিবা চহী অনী হেল্লক্লবা হীঙশাগী ঈরাং অসী মৈতৈ কম্যুনিটিনা খৎনবা হৌরুবদগী থোকখিবনি হায়না লান্না মীয়ামদা শন্দোক্ননবা হোৎনবনি, কুকি-জো ফূরূপকি মীওইশিংদা মৈতৈশিংনা খৎনবা হৌবনি হায়না অরানবা প্রোপেগন্দা শন্দোকপা, নাকল নাম্মখক্তগী মীৎয়েংদা পুথোরকপা, কুকিশিংবু মৈতৈশিংনা ভিক্তিমাইজ তৌবিবনি হায়না লান্না শন্দোরকপা রিপোর্ট অমনি হায়না দিল্লি মৈতৈ কোর্দিনেটিং কম্মিটি ( দি এম সি সি) না কন্না য়ানিংদবা ফোঙদোকখ্রে।
পাউগী মীফম অমদা কম্মিটি অসীগী কনভিনর দা. সেরাম রাজেস অমসুং ৱিমেন রাইটস এক্তিভিষ্ট এলিজাবেথনা পি য়ু সি এল গী রিপোর্ট অদূবু য়াম্না কন্না য়ানিংদবা ফোঙদোকখিবগা লোয়ননা রিপোর্ট অদূ হন্দোক্কদবনি অমসুং মীয়ামদা রিপোর্ট অদূ ফোঙদোকখিবগীদমক লাল্লে হায়জগদবনি হায়না অকনবা দাবী তৌখ্রে।
পি য়ু সি এলগী রিপোর্ট অদূ তশেংনমক নাকল নাম্মখক্তগী মীৎয়েংদা পুথোরকপা, কুকিশিংবু মৈতৈশিংনা ভিক্তিমাইজ তৌবিবনি হায়না লান্না মীয়ামদা শন্দোক্ননবা হোৎনবনি। রিপোর্ট অদূদা থওইনা তৌগে মতাগুম শেমজীন-শাজিনবা ৱাফম কয়াসু য়াওরি। হৌজিক থোক্লিবা হীঙশাগী ঈরাং অসী মৈতৈ কম্যুনিটিনা খৎনবা হৌরুবদগী থোকখিবনি হায়না লান্না মীয়ামদা উহন্ননবা হোৎনবনি হায়না এলিজাবেথ না ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে