ময়াং ইম্ফালদা লৈবা এন তোমচৌ হায়র সেকেন্দরি স্কুলগী প্রিন্সিপাল লাইশ্রম সুনিটাবু লৈঙাক্না ট্রান্সফার তৌখিবা থৌওং য়াম্না কন্না য়ানিংদবা ফোঙদোক্তুনা স্কুল অসীগী মহৈরোয়শিংনা অকনবা, হীঙশা য়াওবা খোঙজঙ চঙশীনবদা পুলিসকা মূক্নবদগী ট্যার গ্যাস সেলনা পান্দুনা নূপীমচা মহৈরোয় ৪ শোকপদগী লায়কন্নখ্রে।অশোকপশিংগী মনূঙদা অমগীদি খরা হেন্না ফীভম লুনা লৈরি হায়রি।
থা অসীগী ১৩ দা স্কুল অসীগী মহৈরোয়শিংনা মখোয়গী প্রিন্সিপাল ট্রান্সফর তৌবা য়ারোয় হায়দুনা প্রোটেষ্ট তৌখ্রবসু লৈঙাক্না করিগুম্বা মখল অমত্তগী রেস্পোন্স পীরক্তবদগী কা হেন্না খোয়শাওনরবা মহৈরোয়শিং অদূনা ঙরাং লম্বীদা স্কুল অসীগী বেঞ্চ, দেস্ক নচিংবা ময়াম থাংদোরক্লগা মৈ থাবা হৌরকখি। ময়াং ইম্ফাল পুলিস ষ্টেসনগী ওফিসার- ইন- চার্জ না লুচিংবা টিম অমা মফমদুদা য়ৌশিল্লক্তুনা মহৈরোয়শিং অদূ কন্ট্রোল তৌননবগীদমক থবক পায়খৎলবসু শাউরবা মহৈরোয়শিং অদুনা নূঙ পায়খত্তুনা পুলিস টিমদা এত্তেক তৌরকপদগী পুলিসনসু রব্বর বূল্লেট অমসুং ট্যার গ্যাস সেলশিং কাপ্তূনা, নাকল অনীগী মরক্তা চাউনা মূক্নরকখিবনি। মমৈথঙদা মহৈরোয়শিং অদূ কন্ট্রোল তৌরবা মতূঙদা মশা-মশাগী ক্লাসশিংদা হোইজিনখি।
সি আর পি এফ পার্সনেলশিং মফম অদূগী অকোয়বদা দিপ্লোই তৌদুনা পামদবা থৌদোক থোকহন্দনবা থৌরাং লৌখৎখি। শোক্লবা নূপীমচা মহৈরোয় মরি অদুদি, বুয়াময়ূম তবাসুম, কানন অঙোম, সি ঐচ ইচন্থোই অমসুং তখেল্লম্বম পুর্নিমা কৌই হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে