মীচম মীয়ামদি লায়রদনা মীয়ামগী মীহুৎ ওইনা লৈরিবা এম এল এ শিংনা ফোন তৌবদা পায়খত্তবা,মঙক কনবা ওফিসিয়েলশিং মতীক চাবা পারা তম্বিগনি। মীয়ামগী লৈঙাক অমা লাক্লগনি মতমদুদা লমহেন – তুহেনবা ওফিসিয়েলশিং খঙনগদবা কুইদ্রে,শোয়দনা চৈরাক পীগনি হায়না খূরায় কেন্দ্রগী এম এল এ লৈশাংথেম সুসিন্দ্রোনা অকনবা ৱাফম ফোঙদোকখ্রে।
ইম্ফাল ইষ্ট দিস্ট্রিক্টকি মনূঙচন্না লৈরিবা তোপ খোংনাং মখোঙদা পাঙথোকখিবা মৈতৈ লৈমা ভিল্লেজ লেভেল ফেদরেসনগী ওফিস বিল্ডীং শঙ্গাবগী থৌরমদা ৱা ঙাঙবদা এম এল এ না ৱাফম অসী ফোঙদোকখিবনি।মথঙ চহী ২০২৬ কি ফেব্রুয়ারি ১২ দগী মনিপুরদা চল্লাইরিবা প্রসিদেন্ট রুল অসী অমূক হন্না মখা শমথররোই হায়বসি ঐখোয় পূম্নমক্না ঈখঙ -খঙনরবা ৱানি।মসীগী মমাঙদা মীয়ামগী লৈঙাক শেম্লগনি হায়বগী ৱাফমসু লৈরিবনি হায়না মহাক্না থৌরমদুদা ফোঙদোকখি।
থবক য়াম্না চিনবদগী ফোন পায়খৎপা ঙমহৌদ্রবসু ঙাইহাক অশংবা মতমদা কোল বেক তৌরকপদি হৌনবনি।ফোন তৌরবসু লৌখত্তবা,অদুগা কোল বেকসু তৌদবা ঙকচাও থেকপা ওফিসিয়েলশিং শোয়দনা পারা তম্বিগনি হায়না এম এল এ অসিনা ফোঙদোকখিবনি।তোপ খোংনাং মখোঙগী মীয়াম্না অপাম্বা থবক -থৌরমশিং অদূ পাঙথোক্নবগীদমক মহাক্না মতম পূম্নমক্তা শেম -শাদুনা লৈ হায়বা ৱাফমসু এম এল এ না থমখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা