হন্দক লৈবাক অসীগী কেপিটেল ন্যু দিল্লিদা লৈবা রেদ ফোর্ট মনাক্তা কার বোম পোকখায়হন্দুনা মীওই ১৩ শিহনখিবা অমসুং অতৈ মীওই ২০ হেন্না অশোক -অপন থোকহনখিবা থৌদোক্তুদা হকথেঙননা চেন্নবনি হায়বা দা.উম্মর মোহম্মদকি কাস্মিরদা লৈবা ময়ূম ঙরাং অঙনবা অয়ূক্তা সেক্যুরিটি ফোর্সনা আই ঈ দি শীজিন্নরগা থুগাইখ্রে।
সেক্যুরিটি ফোর্সকি টিম অদূনা য়ূম অদূদা চঙলগা মদূদা লৈরম্বা মীওইশিং মপান্দা থোকহনখ্রবা মতূঙদা আই ঈ দি শীজিন্নরগা য়ূম অদূ থুগাইখিবনি হায়রি। মহাক্কি য়ূম অদূ খা থংবা কাস্মিরগী পুলৱামা দিষ্ট্রিক্টকি মনূংদা লৈবা ক্বিল ভিল্লেজদা লৈবনি।
ফারিদাবাদকি অল – ফল্লাহ য়ুনিভর্সিটি দা দাক্তর ওইনা থবক তৌরিবা উম্মরনা আই -২০ কার অমা থৌদুনা লাক্লবা মতূঙদা রেদ ফোর্ট মনাক্কি নেটাজি সুভাস মার্গতা খামখিবনি লোয়ননা লালহৌবশিংদা ইঙ্গিৎ অমা পীবা ওইনা মহাক মশামক্না কার বোম অদূ পোকখায়হনখিবনি হায়বসি ইনভেষ্টিগেটরশিংনা খঙবা ঙমখিবনি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে