মনিপুরদা ঙসী তঙদূ-লৈতাদবা লো এন্দ ওর্দরগী,রাজনিতিগী,শেল-থুমগী,হকশেলগী অমদি দ্রগনচিংবগী ইস্যু কয়ামরুম মায়োক্নরগা লৈরবা ফীভম অসীদা সেন্টর লৈঙাক্না অহেনবা মীৎয়েং চঙফম থোকই।মরম অদুনা ষ্টেট অসীগী মতাঙদা পার্লিয়ামেন্ট তা খন্ননবগীদড়ক পূঙ অহুমদগী মঙা ফাওবগী মতম পীবীননবা ইন্নর মনিপুর পার্লিয়ামেন্টরি কন্সটিট্যুয়েন্সিগী এম পি দা.অঙোমচা বিমোল অকোয়জম্না লোক সভাগী মীফমদা ফোঙদোক্তুনা তকশীনখ্রে।
মহাক্না হায়, মনিপুরদা হৌজিক মীওই লীশীং ৬০ হেন্না ময়ূম-মকৈ মৈ থাদোকপিখিবদগী রিলিফ কেম্পশিংদা চহী অহুম্লোম চঙজফম লৌদুনা লৈরক্লিবা অসীগী মতাঙদা সেন্টর লৈঙাক্না সোল্যুসন পুরকপা য়াবা ওইথোকপা য়াবা থৌশিল অমত্তা পায়খত্রিবসি খ্বাইদগী লাইবক থীবনি।লৈবাক অসীগী ওইনসু মরূওইবা ইস্যু কয়ামরুম মাঙদা তাদুনা লৈরি।
পোল্যুসন,থবক ফংনরক্তবা,হকশেলগী অমদি অঈঙ-অশাগী খল কায়থরকপনচিংগী মতাঙ য়াম্না লৈরি। ইস্যুশিং অসী পার্লিয়ামেন্ট তা খন্নফম থোকপনি অদুবু লৈঙাক অসীনা নাথৈদুনা থম্লি হায়খি। ঙরাং বন্দে মাতরমগী মতাঙদা পাঙথোকখিবা দিসকসন অমদা বিমোলনা মহাক্কি ৱাফম অসী ফোঙদোরকখিবনি।