হৌখিবা চহী অহুম্লোম ঈরাংনা মরম ওইদুনা রিলিফ কেম্পশিংদা লাঞ্জেন্নদুনা লৈনরুরবা মতূঙদা মশা-মশাগী ময়ূমশিংদা হঞ্জিলহনখ্রবা আই দি পিশিংগী য়ূমশিংদা কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) গী টিম অমনা ঙরাং চত্তুনা য়েংশিনখ্রে।
টিম অদুনা য়েংশিল্লুবদা বিষ্ণুপুর দিষ্ট্রিক্টকি লৈমরাম ৱারোইচীঙগী খুঞ্জাশিং অদুগী য়ূম অয়াম্বা মতম কুইনা মী লৈনরুদ্রবা ওইবনা নৌনা শেমজীনবগী তঙায়ফদবা লৈরে হায়বা খঙবা ঙমখি হায়রি। য়ূম ৪/৫ দি কা হেন্না ফীভম শোকপনা মরম ওইরগা অমূক হন্না শাবা মথৌ তারে হায়রি।খুঙ্গং অসীগী ওইনা য়ূম ৭০/৮০ রোম নৌনা শেমজীনবগী তঙায়ফদবা লৈরে,মরম অদুনা বিষ্ণুপুর দিষ্ট্রিক্টকি দিপ্যুটি কম্মিস্নার পুজা এলাংবম্না খুঙ্গং অসীগী মরায়বক থীরবা খুঞ্জাশিংগী ফীভম শোক্লবা য়ূমথোঙশিংগী মতূঙ ইন্না কম্পেন্সেসনগী চাংসু লেপ্পিনবা কোকোমিনা অইবা চেরোল অমা দিসি দা পীশীন্দুনা তকশীনখ্রে।
লৈমরাম ৱারোইচীঙদা চত্তুনা য়েংশিল্লুরবা মতূঙদা রিহেবিলিটেসন এন্দ রিসেট্টলমেন্ট কম্মিট্টি ওফ ইন্টর্নেল দিসপ্লেস পার্সন্স বিষ্ণুপুর দিষ্ট্রিক্টকি চ্যেরমেনগী থৌসু পুরিবা দিস্ট্রিক্ট অসীগী দিসি না অহেনবা মীৎয়েং চঙহন্নিংই হায়না চেরোল অদুদা ফোঙদোকখি।লৈমরাম ৱারোইচীঙদা চঙননবা হোৎনবদা সেক্যুরিটিনা চেক তৌবগী থৌওংশিংবুসু কোকোমিনা পেন্দবা ফোঙদোকখি।
You may also like
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে
-
ৱারী লীবা ফেষ্টিভেল লোইশিনখ্রে
-
ৱার্ল্ড ইনভাইরনমেন্ট ৱীক পাঙথোক্তুনা লম-তু শেংখ্রে, উ চারাশিং থাখ্রে
-
ফ্রী মেদিকেল কম হেল্থ টোল্ক প্রোগ্ৰাম পাঙথোকখ্রে