মনিপুরগী ওইনা লৈনূঙদগী অরীবা শেল ময়েকশিং ফংনরকখিবগী পুৱারিদা শেলয়েক মশীং খ্বাইদগী য়াম্না ফংখিবগী রেকোর্দ লৈরিবা খাঙবোক্তা লৈরিবা কৈফা লৌকোন্দগী ফংলকখিবা অরীবা শেল ময়েকশিং উত্তুনা মীয়ামদা মশক তাকপগী এগজিবিসন অমা ঙরাং পাঙথোকখ্রে।
বূক ক্লব খাঙবোক্না শীন্দুনা ঙরাং পাঙথোকখিবা, ক্লব অসিনা পুথোকপা “খোঙচৎ: -দি খাঙবোক দাইরি” হায়না মিংথোনবা মল্টি লেঙ্গুয়েজ জর্নেল অমগী অনীশুবা ভোল্যুম,২০২৬ এদিসন রিলিজ তৌখিবা থৌরমগী মনূঙ চন্না এগজিবিসন অদু পাঙথোকখিবনি। এগজিবিসন অদূ খাঙবোক পার্ট -থ্রী, মখা লৈকায়দা লৈবা বিঐচ মনিথোই শর্মগী মান্দোপতা পাঙথোকখি।
থৌরমদুদা মুটুৱা ম্যুজিয়ম ইম্ফালগী দিরেক্টর মুটুৱা বহাদুর, খাঙবোক কৈফা লৌকোল কোইন হোর্দ ,১৯৮৪ গী কষ্টদিয়াননা অথোয়বা মীথূঙলেনশিং ওইনা শরূক য়াখি অদূগা ৱাই কে কল্লেজ ৱাংজিংগী প্রিন্সিপাল প্রোফেসার খূন্দ্রাকপম জুগিন্দ্রোনা থৌরম মপূ ওইদুনা ৱা ঙাঙখি।
মশীঙ য়াম্লবা, তোঙান তোঙানবা দিনোমিনেসনশিংগী অরীবা শেল ময়েকশিং অদূ কুমশিং ১৯৮৪ গী জুলাই থাদা কৈফা লৌকোন্দগী ফংখিবনি হায়রি।
You may also like
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর
-
ষ্টেট এসেমব্লিগী মীফম চত্থরগনি
-
পোৎ-চৈ পুরকপা ট্রক ৬৪৪ ইম্ফালদা চঙলকখ্রে
-
খ্বাইরম্বন্দ কৈথেলদা ঈমাশিংনা সেন্সসকি মায়োক্তা অকনবা খোঙজং চঙশীনখ্রে
-
মাউন্ট মনিপুরদা অথৌবশিংগী নীংশিং থৌরম পাঙথোকখ্রে, অতৈ মফমশিংদসু পাকসন্না পাঙথোক্নখ্রে