মমাঙ চহীগী মে অহুমদগী মৈতৈ ফূরুপকি মীয়ামগী মথক্তা চিন- কুকি- নার্কো টেরোরিষ্টশিংনা চত্থরক্লিবা হীংশাগী ঈরাং অসী মায়োক্নদুনা ফূরূপ অসীবু ঙাক- শেন্দুনা লাক্লিবা, খুল ঙাকপশিংগী মথক্তা লৈঙাক্না কেস লৌখত্তুনা ফাননবা হোৎনরিবা অসী য়াবা ঙম্লোই অদূগা মরু ওইনা অরম্বাই তেঙ্গোলগী লূচীঙপুরেল কোরৌঙানবা খূমনগী মথক্তা নেস্নেল ইনভেষ্টিগেসন এজেন্সি (এন আই এ) না কেস লৌখৎলক্লিবসি য়াবা ঙম্লোই হায়না শীঙজমৈ অমসুং খাঙবোক্তা মশীঙ য়াম্লবা মীয়াম্না খোঙজঙ চঙশীনখ্রে, অকনবা মওংদা প্রোটেষ্ট তৌখ্রে।
খুল ঙাক্লিবা ঈচাশিং অসী লৈরমদ্রবদি কুকি- নার্কো টেরোরিষ্টশিংনা মৈতৈ ফূরুপকি মীয়াম তুম্না হাৎলম্লগদবনি হায়না অকনবা খোল্লাউ কয়া লাউখিবগা লোয়ননা খুল ঙাকপশিংগী মথক্তা কেস অমত্তা লৈঙাক্না লৌখৎপা য়ারোই, অরম্বাই তেঙ্গোলগী মথক্তা এন আই এ না কেস অমত্তা লৌখৎপসু য়ারোই হায়না মীয়াম্না অকনবা খোল্লাউ কয়া লাউখি। মৈতৈ ফূরুপকি মথক্তা লান্দারক্তুনা মীওই চা কয়া হাৎলিবা, নূপী- অঙাঙ খাক্তনা তমথীনা হাৎলিবা কুকি- জো মিলিটেন্টশিং ফাগৎনবা অমসুং তকথোক্ননবদি হোৎনদ্রগা মীচম মীয়াম ঙাক- শেনবগী থবক তৌরিবা ঈচাশিংগী মথক্তা কেস লৌখৎলিবা লৈঙাক অসীগী থৌওং য়াবা ঙম্লোই হায়না এন দি এস ওগী লমজীঙ মখাদা শীঙজমৈ পার্কিংদা মশীঙ য়াম্লবা মীয়াম্না খোঙজঙ চঙশীনখি।
নাকল অমরোমদা, খুল ঙাকপশিং অমসুং অরম্বাই তেঙ্গোলগী থৌমি অমত্তা ফাবা-পুনবা য়ারোই হায়বা দাবী তৌরদুনা খাঙবোক বজারদসু মীয়াম্না অকনবা খোল্লাউশিং লাউদুনা খোঙজঙ চঙশীনখি।
You may also like
-
ফেসোক্কি থৌমীশিংনা বোসেমগী ওফিস থোঙ লোনশীন্ননবা থোমজীনখ্রে
-
মহৈ তম্লিবা মচাশিংগী অপাম্বা, অফবা ৱাখল্লোন খঙদোকপিরগা পূক্নিং থৌগৎপীবা হায়বসি মপা মমাগী থৌদাংনি
-
শক্নায়রবা মীওই কয়ামরুম কংগ্রেস পার্টিদা চঙলকখ্রে, তরাম্না ওকখ্রে
-
ফাইনান্স কম্মিসনগী টিমগা মীফম পাঙথোক্তুনা খন্নখ্রে
-
সেক্যুরিটি ফোর্স না সর্স ওপরেসন চত্থবদা য়াম্লবা খূৎশু-খূৎলায়শিং রিকোভর তৌরে