মতম শাংনা মীখল পাঙথোক্তনা লৈরক্লিবা দি এম য়ুগী ষ্টুডেন্টস য়ুনিয়নগী মীখল পাঙথোকনবা থবক পায়খৎলু হায়বা অকনবা দাবী তৌরদুনা দি এম য়ুনিভরসিটিগী মহৈরোয়শিংনা খোঙজঙ চঙশীনখ্রে। ঙসিদগী য়ুনিভর্সিটি অসী থিংজিল্লগনি হায়বগী রিজোল্যুসনসু লৌখ্রে।
দি এম য়ুগী এ ব্লোক মমাঙদা মহৈরোয়শিংনা অকনবা খোল্লাউশিংগা লোয়ননা খোঙজঙ চঙশীনখিবনি। হিটলর কৌবা মহৈরোয় অমনা ফোঙদোকখিবা মতূং ইন্না, চিফ মিনিষ্টর অমসুং ইদুকেসন মিনিষ্টরদসু য়ুনিভর্সিটি অসীগী ষ্টুডেন্টস য়ুনিয়নগী মীখল পাঙথোকনবা থবক পায়খৎলু হায়বা দিমান্দ তকশীনবা লৈখ্রবনি অদূবু ঙসীফাওবা থবক্তা ওন্থোক্তনা লাক্লি। য়ুনিভর্সিটি অসী হৌজিক অরান- অহুই, অশোয়বনা পীক থল্লে। মহৈরোয়শিংগী মার্ক সিট, এদমিট কার্দনচিংবদসু অশোয়বা কয়ামরুম লৈরি হায়খি।
চৎলিবা থা অসীগী তরা ফাওবদা ষ্টুডেন্টস য়ুনিয়নগী মীখল পাঙথোকনবা মমাঙদসু য়ুনিভর্সিটি অসীগী মহৈরোয়শিংনা অইবা চেরোল পীদুনা খঙহনখিবা লৈখ্রে অদুবু মদু থবক্তা ওন্থোরকপগী মমি অমত্তা উরক্তবদগী য়ুনিভর্সিটি অসী ঙসীদগী থিংজিন্ননবা ৱারেপ লৌরকপনি হায়না হিটলরনা মখা তানা ফোঙদোকখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে