মনিপুরদা হৌখিবা কুমশিং ২০২৩ গী মে অহুমদগী হৌরকখিবা মৈতৈ-কুকি কম্যুনিটি অনীগী মরক্তা থোক্লিবা হীঙশাগী ঈরাঙ অসী লাকখিবা মতমদুদগী ঙসীফাওবদা মৈতৈ ফূরূপকি মীয়াম্না নেস্নেল হায়ৱেশিংদা, মরুওইনা কুকি -জো কাঙলূপকি মীওইশিংনা খুন্দারিবা কাংপোকপি এরিয়াদা চত্থোক-চৎশীন তৌবা য়াহন্দবা, কম্মিটি ওন ট্রাইবেল য়ুনিটি (কোটু) না শাংলবা চহী কয়া অসিদা অথিংবা থম্লক্লিবসিদা সেন্তর লৈঙাক অমসুং ষ্টেট লৈঙাক্না এক্সন অমত্তা লৌখৎপা ঙমদ্রিবা কয়া অসি য়েংশিনবিদুনা মীয়াম্না নেস্নেল হায়ৱেশিংদা মনীঙ তম্না চত্থোক চৎশিন তৌবা য়াহনবিয়ু হায়না ত্রান্সজেন্দর সোসিয়ল এক্টিভিষ্ট অমা ওইনা লৈরিবা মালেম থোঙাম্না হায় কোর্ট ওফ মনিপুরগী চিফ জষ্টিসতা ৱাকৎ অমা থাঙ্গৎখ্রে।
সেন্ট্রেল সেক্যুরিটি ফোর্সনা নেস্নেল হায়ৱেশিংদা মীয়াম চত্থোক চৎশিন তৌবদা ঙাক শেনবিদুনা মনীঙ তম্না চৎহনবগী মহুত্তা অথীংবা পীরিবসি কন্সটিট্যুসন্না লৈবাক অসীগী সিতিজনশিংদা পীরিবা রাইট টু ইক্বেলিটি খোঙ্গাওনবনি।ষ্টেট অমদি সেন্টর লৈঙাক্না কন্সটিট্যুসনগী আর্টিকল ২৫৬ অমসুং ২৫৭ ঙাকপা ঙমদ্রে। ঈরাং অসী হৌরকখিবা মতমদগী ঙসীফাওবদা মৈতৈশিংনা কাংপোকপি ফাওদুনা চৎপা য়াদবদগী অতৈ ষ্টেটশিংদা চত্থোক-চৎশীন তৌবদা নোংথক-লম্বীদা চৎপা মরম্না অচৌবা শেনফম কয়া চাদীং তৌরি।মসীনা মরম ওইরগা শেল-থুমগী ফীভম নোংমা-নোংমগী শোকচীল্লক্লি হায়বা ৱাফমশিং মহাক্কি ৱাকৎ অদুদা পল্লি।
You may also like
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি