হন্দক বোর্দ ওফ সেকেন্দরি ইদুকেসন মনিপুর (বোসেম) না লৌবা হায় স্কুল লিভিং সার্টিফিকেট (ঐচ এস এল সি) ইগজামিনেসন, ২০২৪-২৫ গী ফল লাউথোরকখিবা অদুদা চাউনা মায় পাক্লক্তুনা গভর্নমেন্ট স্কুলশিংগী, কবোৱাকচীঙ গভর্নমেন্ট হায়স্কুলগী অমসুং লমদম অদোমগী মিয়ামগী অচৌবা মিংচৎ পুরকখ্রবা হায় স্কুল অদূগী মহৈরোয় ২০ বু হরাও-তরাম্না ওকপা অমসুং স্কুল অদূগী মায়কৈদগী ঙমজবা খূদোলপোৎ খরদং পীবিদুনা মখোয়বু পূক্নীঙ থৌগৎপগী থৌরম অমা ঙরাং হায় স্কুল অসিদা পাঙথোকখ্রে।
হায় স্কুল অসীগী মহৈরোয় পূন্না ২০ ঐচ এস এল সি ইগজামিনেসন থাখিবগী মনূঙদা মহৈরোয় ১৫ না অহানবা দিভিজন্দা পাস তৌরকখি অদূগা মহৈরোয় ৫ না অনীশুবা দিভিজন্দা পাস তৌরকখিবনি। মখোয়গী মনূঙদা অমুকসু মহৈরোয় ৮ না মেথমেটিক্সতা লেট্টর চৎখি। মহৈরোয় ৬ না হোম সাইন্স তা অদূগা সাইন্স সবজেক্ট তা মহৈরোয় ২ লেট্টর চৎখি।
হায় স্কুল অদূগী ওইনদি হন্দক্কি ঐচ এস এল সি ইগজামিনেসন অদুদা মহৈরোয় চাদা চাম্মা পাস তৌবা ঙমখি। হায় স্কুল অসিবু ওইননবা, চাওখৎহন্ননবা হোৎনবদা অচৌবা থৌদাং লৌদুনা লাক্লিবা অপূনবা লূপ কি মেম্বরশিং, কবোৱাকচীঙ লোয়ালাকপা থৌগল লূপকি অহল-লম্মনশিং অমসুং হায় স্কুল অদূগী ওজাশিংনা পূন্না শীন্দূনা চাকলেন অমসু চামিন্নখি। মায় পাক্লকখ্রবা মহৈরোয় শিং অদূদা হায় স্কুল অদূগী হেদমাষ্টরনা ঙমজবা মনা-মথুমশিং খূদোল ওইনা তমখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে