টার্ম তরূক্লক সুগনু কেন্দ্রদা ভোৎ কারক্তুনা মনিপুর লেজিসলেটিব এসেমব্লিগী মেম্বর ওইনা মতম শাংনা মীয়ামগী থৌগল তৌরক্লবা, কেবিনেট মিনিষ্টর ফাওবা ওইরম্বগা লোয়ননা কংগ্ৰেস পার্টীগী মরূওইবা লুচিংবা অমা ওইনা লৈরক্লিবা ভেটরান পোলিটিসিয়ান কাঙূজম রঞ্জিৎ মশামক হৌজিক হৌজিক মনিপুর প্রদেশ কংগ্রেস কম্মিটিগী দিপ্যুটি লিদরগী ফম পুদুনা লৈরকখিবনি।
অদূম ওইনমক, মীয়ামগী চমম্নবা পোকহল্লিবা থৌদোক অমা ওইনা,মহাক মশামক এম পি সি সীগী দিপ্যুটি লিদর ওইবদগী তোকচরগে, ফম থাদোকচরগে হায়না অইবা চেরোল পীশীনখ্রে। কংগ্ৰেস পার্টী অসীগী নেস্নেল প্রসিদেন্ট ওইরিবা মালিক আর্জুন খরগেদা মহাক্কি রেজিগনেসন লেট্টর অদূ হকথেঙননা চত্তুনা পীশীনখিবনি হায়রি।মহাক্কি ফম থাদোকপগী চেরোল অদূদা এম পি সি সীগী দিপ্যুটি লীদর ওইবদগী তোকপগী থোইদোকপা অকূপ্পা মরম অমত্তা পনখিদে। অদূম ওইনমক মীয়ামগী অমসুং পোলিটিকেল এনালিষ্টশিংগী ৱাফম মতূঙ ইন্নদি, এম পি সি সীগী লিদর্সিপ মনূঙদা হন্দক ইকুই কুইদ্রিবা মতমগী মনূঙদা লিদর্সিপতা হোংদোক-হোংজিন তৌখিবা অদূদা এম এল এ রঞ্জিৎনা ফোঙদোক্তনা পেন্দবা কয়া লৈখি হায়না পানরিবনি।
ওক্রম ইবোবিনা অমূক নৌনা এম পি সি সীগী প্রসিদেন্ট ওইখিবগা লোয়ননা এম এল এ কৈশাম মেঘচন্দ্রদা কংগ্ৰেস লেজিসলেচর পার্টিগী লুচিংবা ওইনা ফম থিন্দোকখিবনি। অদূগা এম এল এ রঞ্জিৎকি ওইনদি হান্নদগী পায়দুনা লাক্লিবা এম পি সি সীগী দিপ্যুটি লিদর অদূ মখাতানা, অহোংবা অমত্তা লৈহন্দনা লাকখিবনি।
You may also like
-
লৈঙাক্কি লোয়শঙশিংদা থাংজা নুমিৎ ছুতি থারম্বদু চৎনহনখিদ্রে, ছুটি লৈররোই
-
ৱাহং তরূক য়াওবা মেমোরেন্দম কোকোমিনা ঙসী সি এমদা পীশীনগদৌরি
-
সি আর পি এফনা কাপ্পদা লৈখিদ্রবা মীওই অহুমগী হকচাং লৌদুনা অরোয়বা মথৌ-মঙম পাঙথোকখ্রে
-
মিলিটেন্টশিংনা অঙাঙ য়াওনা মীওই কয়া হাৎখ্রিবা অসীগী জষ্টিস ফংহন্নবা হোৎনরম্লবদি সিএম বু অথৌবা অমগুম শীঙথানরমগদবনি: শুজাতা
-
নাগাশিংনা কুকি মচা অনীগী গারি মৈ থাখ্রে, পুলিসতা শিন্নখ্রে