ইম্ফাল ৱেষ্ট দিস্ট্রিক্টকি হয়িং খোঙবাল উফোঙ য়ূম্ফমদা লৈরিবা লায়নীংথৌ সনামহী শঙলেন্দা নৌনা শাবা ইমোইনু ঈমাগী শঙলেন অমা রাজ্য সভাগী এম পি নিংথৌ লৈসেম্বা সনাজাউবনা হন্দক শঙ্গারদুনা মীয়ামদা খূৎশীন্নখ্রে।থৌরমদুগী শরূক অমা ওইনা এম পি সনাজাউবনা সলাই তরেৎকি ফীরাল চিংখৎখি।মফমদুদা ঈমা ইমোইনু ঈরাৎ-থৌরম সু পাঙথোকখি।
মৈতৈ ফূরূপকি ওইনা পোকপদগী শিবা ফাওবগী লৈজরিবা চৎনা কাঙলোনশিং ঙাক্না চৎকদবনি হায়না মহাক্না মীয়ামদা পাউজেল পীখ্রে হায়খি।মীয়ামগীদমক পাঙথোক্কে খল্লিবা থবক্তি য়াম্মি অদূবু রাজ্য সভাগী এম পি ওইগদৌরিবা মতমদি সূপ্নগী থা ৫ রোমদমক ৱাৎপসিনা মরম ওইদুনা থবক-থৌরমশিং অয়াম্বা মপূঙফানা পাঙথোকপা ঙম্লোইদ্রা হায়বগী মিপাইবা পোকই হায়না এমপি না নুংনাংবা ফোঙদোকখি।
থৌরমদুদা লাইনীংথৌ সনামহী টেম্পল বোর্দকি ভাইস প্রসিদেন্ট বিদ্যাপটি সেঞ্জম, মনিপুর য়ুনিভর্সিতি ওফ কলচর (এম য়ু সি) গী ভাইস চাঞ্ছেল্লর প্রোফেসার পাউনম গুনিন্দ্রো অমসুং অতৈ মরূওইবা মীওইশিং শরুক য়াখি।