মোন্ট্রা ইলেক্ট্রিক না ইন্দিয়াদা পি এম ই-দ্রাইব সর্টিফাইদ ইলেক্ট্রিক ট্রক পুথোকপদা অহানবা ওইরে

ই-এম এন্দ ঐচ সি ভি বিজিনেস ভর্টিকেল ওইনা লৈবগা লোয়ননা মুরুগাপ্পা গ্ৰূপকি শরূক অমসু ওইরিবা মোন্ট্রা ইলেক্ট্রিক না ইন্দিয়াদা ইহান হানবা ওইনা হেভি দ্যুটি ইলেক্ট্রিক ট্রক শাদুনা মীয়ামদা কান্নবা ফংহনবা মেন্যুফেকচরর অমা ওইবা ঙমখ্রে। লৈবাক অসীগী ক্লীন মোবিলিতী গী খোঙচত্তা অওনবা অমসুং অহোংবা পুরকপা ঙম্বগী শীঙথানিঙায় ওইরবা মিংচৎ পুরকপা ঙমখ্রে।
কম্পেনি অসীনা ইন্দিয়া লৈঙাক্কি পি এম ই-দ্রাইব স্কিমগী মখাদা,হীরম অসোমদা সার্টিফিকেট ফংবা অহানবা কম্পেনি অমা ওইবগী চাউথোকচবা মিংচৎ ফংখিবগা লোয়ননা ইলেক্ট্রিক্না চল্লাইবা গারিশিং পুথোকপগী চাং হেঙ্গৎনবা পান্দমদা থবক চঙশীল্লিবা কম্পেনি অসিনা লৈবাক অসিগী খ্বাইদগী চাউরবা সিমেন্ত অমদি রেদি-মিক্স কনক্রিৎ কম্পেনিদা পি এম ই-দ্রাইব সার্টিফাইদ ইলেক্ট্রিক হেভী ট্রক ফংজবগী মিংচৎ থমহনখিবনি। থৌওং অসিনা ইন্দিয়াদা ইলেক্ট্রিক হেভী দ্যুটি ট্রক কয়ামরুম পাক-সন্না শীজীন্নবা ঙমহল্লকলি।মসীনা মরম ওইদুনা ইন্দিয়াগী লোজিষ্টিক্স, মাইনিং,ইনফ্রাষ্ট্রকচর অমসুং মেন্যুফেকচরিং সেক্তরদা অওনবা, অহোংবা পুরকপা ঙমহল্লগনি হায়রি।
হীরম অসীগী মতাঙদা পল্লদুনা মোন্ট্রা ইলেক্ট্রিক কি চেয়রমেন অরুন মুরুগাপ্পানা হায়, নেস্নেল মিসন অসিদা মোন্ট্রা ইলেক্ট্রিক না লৌরিবা থৌদাং অসিগীদমক ঐখোয়গী থম্মোয়দা চাউথোকচৈ।এদভান্স টেক্নোলোজিগা লোয়ননা থাজনিঙায় ওইরবা অমসুং খূৎলোয়রবা ইলেক্ট্রিক এম এন্দ ঐচ সি ভি সোল্যুসনশিং অসিনা ইন্দিয়াগী মোবিলিটি সিষ্টেমদা ৱাহন্থোক লৈনা অওনবা, অহোংবা শক্তম অমা পুরকপা ঙমহল্লগনি।