কুমশিং ১৯৬৩ দা অহানবা ওইনা লিংখৎখিবা, ইম্ফাল ইষ্ট দিষ্ট্রিক্ট কি মনূঙচন্না পোরোম্পাৎতা লৈরিবা মোদর্ন কোল্লেজগী লমখৈ অসি মতম কুইরবগী মমাঙদগী য়াম্না নাখৈ শেংনা লৈজরকলিবা অমনি। হৌখিবা চহী অনী-অহুমগী মতমসিদা য়াম্না লৌতূনবা অমদি শেঞ্জা-থুমজা তৌদুনা আইনগী ৱাংমদা, মরী লৈনবা রেভিন্যু অথোরিটিশিংনা কল্লেজ অসীগী অকোয়বদা খুন্দারিবা লন্নাই মীওই খরদা কল্লেজ অসীগী লমগী শরুক খরা অরানবা মওংদা এল্লোটমেন্ট পীথোকখ্রব্রা হায়বগী চাওনা চিংনবা লৈরক্লে।
মসীগী খূদম অমা ওইনা হৌখিবা কুমশিং ২০২২ দা অহানবা ওইনা কল্লেজ অসীগী লমগী শরুক খরা কনাগুম্বা মীওই খরনা মখোয়দা এল্লোটমেন্ট পীরবা, পট্টাগি খাজনা/ টেক্স থীরবা লমখৈ শরুক্নি হায়না কমপ্লেন্ট তৌরকপদগী লৈঙাক্কি মরী লৈনবা রেভিন্যু অথোরিটিশিংনা কল্লেজ অসীগী প্রিন্সিপাল মশা লাক্ননবা সম্মন থারক্তুনা কৌরকখি হায়রি। মদূ য়াম্না নিয়ম চুমদবা অমনি, চৎফম থোক্তে হায়দুনা কল্লেজ অসীগী টিচিং, নোন-টিচিং ষ্টাফশিং অমসুং মহৈরোয়শিংনা থিংবদগী চৎখিদে হায়রি।
মতৌ অসূম্না লৈরিঙৈ চৈরক্তা ঙরাংসু অমুক হন্না মরী লৈনবা লৈঙাক্কি রেভিন্যু অথোরিটিশিংনা কল্লেজ অসীগী প্রিন্সিপাল লাক্তবা য়াদে হায়দুনা সম্মন থাজিল্লকপদগী কল্লেজ অসীগী টিচিং ষ্টাফশিং, নোন- টিচিং ষ্টাফশিং অমসুং মশীঙ য়াম্লবা মহৈরোয়শিংনা কল্লেজ অসীগী গেট মমাঙদা য়ানিংদবা ফোঙদোক্তুনা অকনবা মওংদা প্রোটেষ্ট তৌখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে