হৌখিবা নুমিৎ নিনীগী মমাঙদা মনিপুরগী জিরিবাম দিষ্ট্রিক্টতা লৈরিবা মৈতৈ কম্যুনিটিগী এপেক্স বোদি অমা ওইরিবা জিরি অপূনবা লূপ (জাল) গী মিং শীজিন্নরগা জিরিবাম কেন্দ্রগী এম এল এ ওইনা লৈরিবা মোহম্মদ আচব উদ্দিনগী মথক্তা অকনবা ৱাফম ফোঙদোক্লদূনা মরাল শীরকখিবা অদূ মহাক মশাম্মক্কা করিগুম্বা অমত্তা মরী লৈনদে হায়না এম এল এ আচব উদ্দিননা পাউগী মীফমদা শেংদোকখ্রে।
অসীগুম্বা মথোঙ হুক্তবা ৱাফম শন্দোক্তুনা মহাক্কি মিংচৎ থীহন্ননবা, ভেষ্টেট ইন্টরেষ্ট খরদা থবক তৌবা মীফত্তা খরনা মমাঙদসু কয়ারক হন্না হোৎনখ্রবনি। অদুম ওইনমক মহাক্তি অরানবা তৌদবা মরম্না অশেংবদু মীয়াম্না খঙলকপদগী মহাক্কি মায়োক্তা মরাল শীননবা হোৎনরম্বা মীওইশিং অদূ ৱা অমত্তা ঙাঙবা ঙমদনা লোত্তুনা লৈখিবনি হায়বা ৱাফম এম এল এ অসিনা ফোঙদোকখি।
চৈরকশিদা, জালগী মায়কৈদগীসু শেংদোক-ৱারোল অমা ঙরাং সোসিয়েল মেদিয়া অমসুং প্রেস-মেদিয়াদা থাদোরকখিবগা লোয়ননা, লূপ অসীনা এম এল এ আচব উদ্দিনগী মায়োক্তা করিগুম্বা অমত্তা ফোঙদোকখিবা লৈতে হায়না ফোঙদোরকখ্রে।জালগী মিংদা এম এল এ গী মথক্তা কনাগুম্বা মীথীঙ্গায়- মিতম্বালশিংনা মসিগুম্বা থবক চত্থরকপসি খ্বায়দগী লাইবক থীবনি হায়রি। মরী লৈনবা মীফত্ত শিং জালদা অথূবা মতমদা চঙজরক্তুনা শেংদোক্লগদবনি হায়রি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি