চৎলিবা আগষ্ট থা অসীগী ২৮ কি অহীঙ নোংয়াই মতূঙদা, মনিপুর লৈঙাক্কি ৱাঙাংলোয় ওইনসু লৈরিবা কোন্থৌজম কেন্দ্রগী এম এল এ সাপম রঞ্জনগী য়ূমদা শকখঙদবশিংনা বোম লংশিন্দুনা পোকখায়হনখ্রে।কোন্থৌজম অৱাং লৈকায়দা লৈবা এম এল এগী য়ূমদা বোম অদূ লংশিল্লক্তুনা পোকখায়হনখিবনি।লাইবক ফবদগী থৌদোক অদূদা মীওই অমত্তা অশোক-অপন্দি য়াওখিদ্রে। থৌদোক অদূবু য়াম্না কন্না য়ানিংদবা ফোঙদোক্লদুনা লৈকায়গী মশীং য়াম্লবা মীয়াম য়াওনা মৈরা পায়বী ঈমাশিংনা ৱাকৎ মীফম চত্থখ্রে।
থৌদোক অদূগী মতাঙদা এম এল এ রঞ্জন্না হায়, আগষ্ট ২৭ কি নোংয়াই মতূঙ, আগষ্ট ২৮ চঙলকপা নোংয়াই মতূঙ পূং ১:৩০ রোম তারকপা অদুৱায়দা য়ূমগী মনীংথংবা শরূক্তা পোকখায়বগী অহৌবা মখোল অমা তায় হায়দুনা মপান্দা থোরক্লগা য়েংলুবদা বোম পোকখায়হনবনি হায়বসি খঙবা ঙম্লকখিবনি। অসীগুম্বা ভাইওলেন্সকি থবকশিং অসীনা লমদমসিদা পুরক্কদৌরিবা মীয়ামগী কান্নবা, তোংজবসি করিদনো হায়না এম এল এ অসীনা পেন্দবা ফোঙদোকখি।
মমাঙদা কনাগুম্বা লন্নাই মীওই নত্রগা লূপ অমত্তনা অকী-অখঙ পীরকখিবা নত্রগা ৱার্নিং পীরকখিবসু অমত্তা লৈখিদ্রি হায়না রঞ্জন্না ফোঙদোকখি। মতূঙদা অসীগুম্বা থৌওংশিং চত্থদুনা মীচম মীয়ামদা অকী-অখঙ থোকহনবিগনু। ভাইওলেন্স হায়বসি হোজিক্কি হোংলক্লিবা মতমসিদা খ্বাইদগী চান্নদ্রবা, য়াম্না চাওখত্তবগী মতৌনি হায়বা ৱাফম মীয়াম্না ফোঙদোক্লদুনা থৌদোক অসীবু অকনবা মওংদা কন্দেম তৌখি।
You may also like
-
আইন কায়না লম্বী শেমজীল্লক্লে, লৈঙাক্না থিংবিয়ু: ওর্গানাইজেসন
-
মনিপুর কন্সি হায়রবদি হৌজিকসু মতম লৈরি, লৈঙাকলোয়শিং চোংথোকপিরক উ: তোম্বা
-
চাইল্ড প্রোটেক্সনগী এৱ্যের্নেস প্রোগ্ৰাম পাঙথোকখ্রে
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে