লূপা ক্রোর ৩০.৭২ রোমগী ভেল্যু ওইগদবা মেথাম্ফেতামাইন টেব্লেট কিলোগ্রাম ২৩৬ মিজোরাম পুলিসনা চম্ফাই এরিয়াদগী ফাগৎপা ঙমখ্রে। হৌখিবা নিংথৌকাবা নুমীৎকি অথেঙবা অহীঙদা দুংলাং পুলিস ষ্টেসনগী টিম অমনা চম্ফাই লমদমদা চত্থখিবা ওপরেসন্দা বুংজুং লমদমলোমদা লাকখিবা চিংননিঙায় ওইবা বোলেরো গারি, রেজিষ্ট্রেসন নম্বর, এম জেট0১জি-৭১১২ হায়রিবা অসী খাম্লগা চেক তৌরুবদা মেথাম্ফেতামাইন টেব্লেট বন্দল ১৯৯ য়াওরবা নাইলোনগী অচৌবা খাউ নিপান য়াওরম্বা থেংনখিবনি হায়রি।
ফাগৎপা অমসুং চেক তৌবগী থৌওংশিং অদূ মফম অদূদা লৈরম্বা ইন্দিপেন্দেন্ট ৱিটনেস অমগী মীৎমাঙদা চত্থখিবনি। ফাগৎলকখ্রবা টেব্লেটশিং অদূ পূন্না কিলোগ্রাম ২৩৬.33 লূম্মী হায়না পুলিসনা ফোঙদোরক্লি। থৌদোক্তুদা চেন্নবা মীওই অনী মফমদুমক্তদগী পুলিসনা ফোর্মেল ওইনা ফাগৎখি। মখোয় অনীদু মপা মমা অমত্তনা পোকপা মচীন-মনাওনি হায়রি। মখোয়গী ষ্টেটমেন্ট মতূঙ ইন্না পুলিসনা মখাতানা রেইদ চত্থবদা দ্রগকি পোৎলমশিংদু ওক্কদবগী ঙাইদুনা লৈরম্বা ট্রিপুরা মচা অহূমসু পুলিসনা ফাগৎখ্রে।
ফাগৎলবা মীওই মঙা অদূগা বোলেরো গারি অমসুং দ্রগকি পোৎলমশিংদু ফোরমেল ওইনা ফাগত্তুনা ইনভেষ্টিগেসন চত্থবা হৌখ্রে। চম্ফাই দিষ্ট্রিক্ট পুলিসকি এস পি শিভেন্দু ভুসনগী সুপরভিজন মখাদা বোর্দরগা তাইনবা মফমশিংদা অহেনবা চেকশীন থৌরাং লৌখৎখ্রে।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে