সুপ্রিম কোর্ট কি কোল্লেজিয়ম্না হায় কোর্ট শিংগী জজ হাপ্পগী মতাঙদা খূৎ থিংজিন্দুনা কনাগুম্বা জজ অমা হাপকদবনি হায়না দিক্তেট তৌবা ঙমদে। ষ্টেট হায়কোর্ট অমগী জজ হাপ্নবগীদমক মীওই কনাগুম্বা অমগী মমীং ফাওবদি সূপ্রিম কোর্ট কি কল্লেজিয়ম্না রিক্কমেন্দ তৌবা য়াই, অদূম ওইনমক মীওই অদূ শোয়দনা হাপকদবনি হায়বদি য়াদে। হায় কোর্ট অমগী কল্লেজিয়ম্না রিক্কমেন্দ তৌরকপা মীওই অদূ সুপ্রিম কোর্টনসু য়াম্না ঈকায়খুম্নবগা লোয়ননা দিসিজন লৌগদবনি।
কোর্ট অনীমক কন্সটিট্যুসনগী মখাদা লিংখৎপনি। মীৎয়েং অশোমদা, সুপ্রিম কোর্ট না ষ্টেট হায় কোর্টশিংদগী শক্তি হেন্না পায়রি হায়না লৌবা য়ারোই হায়না চিফ জষ্টিস ওফ ইন্দিয়া (সি জে আই) ওইনা হৌজিক থৌ পুরিবা জষ্টিস বি আর গাভাইনা ফোঙদোকখ্রে।
লৈবাক অসীনা নীংতম্বা ফংলকখিবা চহী ৭৯ শুরকপা কুম্মোন থৌরম অমা সুপ্রিম কোর্ট বার এসোসিয়েসন্না শীন্দুনা পাঙথোকখিবা থৌরমদা গাভাইনা ৱা ঙাঙবদা ৱাফম অসী ফোঙদোকখিবনি। লৈবাক অসীগী হায় কোর্টশিংদা পূন্না লৈফম থোকপা জজশিংগী মশীঙ অসী ১,১২২ নি অদুবু হৌজিক লৈরিবনা শুপ্নগী ৭৭৭ খক্তনি। মরম অদুনা জজ ৩৪৫ ৱাত্তুনা লৈরিবনি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা