চৎলিবা থা অসিগী ২৫ দগী চত্থবা হৌখিবা পারলিয়ামেন্টকি হাওস অনিমক্তা পাঙথোকপা নিংথম মীফম অদূ হৌদোকপা নুমিত্তা মপূং ফাদনা য়ৈথোকখ্রে। মথঙ থা দিসেম্বরগী ২০ ফাওবা চত্থগদবা পারলিয়ামেন্টকি ৱিন্টর সেসন অদু থা অসীগী ২৫ গী অয়ূক পূঙ ১১ তাবদা চপ চানা হৌদোকখি। হাওস অনিমক্তা এম পি ওইরম্বদগী লৈখিদ্রবা কয়াগী মফমদা ওবিচুৱারি রিফরেন্স পীদূনা ঙাইহাক তূমিন্না লেপখতুনা ঈকায় খুম্নবা ঊৎপনা হৌদোকপা থৌরম অদূগী ইহান হানবা শক্তম ওইখি।
ওবিচুৱা রি রিফরেন্স পীদূনা ঙাইহাক তূমিন্না লেপখতুনা ঈকায় খুম্নবা ঊৎপগী থৌরম অদূ হেক লোইশিল্লকপদা ওপ্পোজিসন পার্টিশিংনা অকনবা খোল্লাউ কয়াগা লোয়ননা মনিপুরদা থোক্লিবা হীংশা অসীগী মতাং অমসুং অদানি গ্ৰুপকি শেঞ্জা- থুমজাগী মতাং লোয়ননা লৈবাক অসীদা মায়োক্নরিবা অতৈ ইস্যু কয়াগী মতাংদা ৱাফম কয়া পুখত্তুনা অকনবা খোঙজঙ চঙশীল্লকপদগী লোক সভা অমসুং রাজ্য সভা অনীমক্তা অচৌবা ঈরাং থোকহনখি।
লোক সভাগী স্পিকর ওম বিরলানা ঈরাঙ অদূ কন্ট্রোল তৌননবা য়াম্না কন্না হোৎনরবসু কান্নবা ফংলক্তবদগী মীফম অদূ নুমীৎয়ুংবা পূং ১২ ফাওবা য়ৈথোকখি। মদুদসু অমুক হন্না ওপ্পোজিসন পার্টিশিংনা অকনবা খোল্লাউ কয়াগা লোয়ননা ঈরাং হৌরকপদগী হাওস অনীমক ঙসী নবেম্বর ২৭ কি অয়ূক পূং ১১ ফাওবা মীফম য়ৈথোকখি। ঙসীসু ওপ্পোজিসন পার্টিশিংনা মনিপুরগী হীংশা অমসুং অতৈ ইস্যু কয়াগা মরী লৈননা পারলিয়ামেন্ট হাওস অনিমক্তা অকনবা ঈহৌ চঙশীল্লকপা য়াই হায়না পোলিটিকেল এনালিষ্টশিংনা পানরি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর