মনিপুর লৈঙাক্কি অকনবা ইন্সট্রক্সন মখাদা কাংপোকপি দিষ্ট্রিক্ট কি সাইটু সব-দিভিজনগী মনূংচন্না লৈরিবা মাখান ভিল্লেজগী নোংচূপথংবা চীঙশাং পরেংদা, লম একর ১২ পাক চাউবা মফমদা থারম্বা পোপ্পি পাম্বিশিং তুম্না য়ান্থত্তুনা মাঙহনখ্রে। কাংপোকপি দিষ্ট্রিক্ট পুলিসকি এস পিগী সুপরভিজন মখাদা দিষ্ট্রিক্ট পুলিসকি এদ্দিস্নেল এসপিনা লুচিংবা পুলিশ অমসুং সি আর পি এফ পার্সনেল ১৫৫ গী অপূনবা টিম্না পোপ্পি পাম্বিশিং অদূ য়ান্থত্তুনা মাঙহনখিবনি। পোপ্পি পাম্বিশিং অদূ কনানা থাবনো হায়বদু খঙদোক্তুনা মরাল লৈবশিং ফাগৎনবা সপরমৈনা পুলিস ষ্টেশন না কেস অমসু রেজিষ্টর তৌখ্রে।
পনবা য়াই, চৎলিবা থা অসীগী ২০দা কাংপোকপি দিষ্ট্রিক্ট পুলিসকি এদ্দিস্নেল এসপিনা লুচিংবা পুলিশ পার্সনেল ৩০ গা লোয়ননা মাখান ভিল্লেজগী ল্যাংমৈ নাগা কাঙলূপকি ভিল্লেজ ভল্লন্টিয়রশিং পোপ্পি পাম্বীশিং হৌরিবা মফম অদূদা চঙশীল্লুবদা খূৎলায় পায়বা কুকি মিলিটেন্ট শিংনা নোংমৈ কাপশীল্লক্তুনা তান্থোরকখিবসু লৈখ্রবনি।
থৌওং অদুবু মাখান ভিল্লেজ অথোরিটিনা খম থেংনা য়ানীংদবগা লোয়ননা অশাওবা ফোঙদোক্তুনা, মনিপুর লৈঙাক্কি মায়কৈদগী নুমিৎ মরিনি ফাওবগী মনূংদা মফম অদুদা পাক-সন্না থারিবা পোপ্পি পাম্বিশিং অদূ মাঙহনবা ঙমদ্রবদি লৈঙাক অসীনা চঙশিল্লক্লিবা ৱার ওন দ্রগস কেম্পেন ফাগি তারে হায়না লৌরগনি লোয়ননা কেম্পেইন অসীদা ল্যাংমৈ নাগা কাঙলূপকি মায়ককৈদগী কৈদৌনুংদা কো-ওপরেসন পীররোই হায়বা ৱাফম থম্লকখিবনি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং